Kongalend a gandja omambakumbaku kaanafaalama

0
259

ONDANGWA – Metitano lyoshiwike sha piti ehangano lyaKongalend olyali lya gandja omambakumbaku oshowo omatemo gokutatula oluma kaanafaalama. Shino oshali sha ningilwa mOndangwa moshitopolwa shaShana.

Pethimbo ta gandja omambakumbaku ngaka pambelewa Ngoloneya gwoshitopolwa shaShana Clemens Kashuupulwa okwali a indile aanafaalama mboka ya pewa omambakumbaku opo ya gandje eyakulo ewaanawa no lina ongushu kwaamboka yeli pumbwa.

Kashuupulwa okwa pandula ehangano lya Kongalend sho ta li gandja omakwatho kwaamba ye ga pumbwa. Te ya tsu omukumo ya longe nuudhiginini opo ya kwathele mboka ya pumbwa okupululilwa oshoka ethimbo lyoondima olya thika, yo ya longe nuudhiginini ku yandwe onkalo yondjala noluhepo moshilongo.

Omunashipundi megandjo lyomambakumbaku nomukalelipo gwa Kongalend Tshoombe Justice Ndadi okwa li eshi holola kutya ehangano lyawo lya Kongalend ,otali kambadhala mo ku gandja omakwatho kwaamba ye ga pumbwa, yo ya ka gandje wo uuwanawa kwaamba yeli mompumbwe.

Ndadi tati Kongalend okwa gandja omambakumbaku oshowo iilongitho yokufula oluma kaanafalama yeli omulongo nayane (14), opo ya ka pululile aakwashigwana mboka ya pumbwa okupululilwa omapya gawo yo ya vule oku longa omahangu ga gwana.

“Omambakumbaku ngano oga gandjwa kaanafalama yomiitopolwa ngaashi Oshikoto,Ohangwena,Omusati nOshana yo ya ka gandje omayakulo ngaashi tashi vulika,iilongitho mbino twa gandja mpano nena oye tu kotha oshimaliwa shoomillionN$5.5 , otatu tsikile oku gandja omayambidhidho ku kehe ngoka eli mompumbwe,”Ndadi tati ngaa.

Ndadi okwa uvaneke kutya Kongalend ota tsikile oku longela kumwe noshigwana opo ya kondjithe onkalo yoluhepo no yo mpumbwe yiikulya, yo aanafaalama ya vule oku longa iikulya ya gwana.

Ndilimeke Kandombo okwa yambukile moshitopolwa shaMusati,Kandombo gumwe gomwaamboka ya pelwe omambakumbaku esiku ndyoka. “ Onda nyanyukwa unene okupewa embakumbaku ndika ,onda kala noku kondjitha ashike Kongalend okwa yamukula omapulo gandje nondjodhi yandje osho ya ningi yoshili, tangi unene Kongalend,”Kandombo tati ngaa.

Jonas Kafidi naye okwali a holola olupandu lwe ku Kongalend,Kafidi ota ti okwali ena embakumbaku ashike olya adhika lya kulupa, tati ehangano ndika otali longo oshilonga sha simana moshigwana, ta uvaneke kutya etemo olyaya komupini ota ka longa iilonga ngaashi tashi vulika.

KuMaria Namupala

LEAVE A REPLY

Please enter your comment!
Please enter your name here