Oihakanwa yo HIV ihapu ovakainhu veedula dopombada.

0
252

WINDHOEK– Omuyelele upe ota u ulike kutya omwaalu munene wovakainhu ovo va katwa novahumbata ombuto yoHIV oyoo wovakainhu veedula dopombada.

Ehokololo ola ti, omuvalu wovakainhu va kula  va kwatwa kombuto yoHIV ove ove li pokati komido 40 fiyo 44  ve lile po eepelesenda 30.6, ofimbo ongudu yovakainhu vepupi li lopokati keedula 35-39 li lile po eepelesenda 30.3.

“Omivalu yovakwatwa oya lunduluka okudja kovakainhu ovanyasha ya uka kovakainhu va kasha”, edi oda tumbulwa koministeli yoshikondo shonghalonawa nundjolowele omundokotola Richard Kamwi.

Nande omivalu yovakwata mepipi loukadona veedula di li pokati 15 -19 ou li eepelesenda  5,8 “Oshidjemo eshi osha ulika kutya omivalu ipe yovakwatwa oya uka poshi notashi dulika okukafika  2015/2016 Namibia a hange oshishonekwa eepelesenda nhano deshuno poshi lovakwatwa komukifi mokati kovakainhu va fimba ve li pokati keedula 15 – 24”, Kamwi ta yelifa.

Moule weedula edi, ombuto yoHIV mokati koukadona ve li pokati keedula 15 – 24  oya shuna poshi,  eepelesenda 14,  okudja modula 2006  – 2014, ombuto  oya kulukila eepelesenda 8,3.

Nale, ombuto oya li ya nata po ovakainhu veedula dopokati 15- 24, ashike paife osha shendjela  movakainhu veedula dopokati 40- 44, nomwaavo ve li pokati keedula 35 – 39 ovo tava kwatwa kombuto yoHIV.

Pauyelele wa  yandjwa mehokololo lipe loshikondo shonghalonawa noundjolowel, omwaalu wovakwatwa pamufika wopombada owa kuluka poshi 16 .9% wa dja 18.2 wa li  opo pashiivifo lehokololo 2012.

Ekonaakono la ningwa movakainhu va fimba, pokati kaMaalisa naSepteba woneudo.ola kwatela mo ovakainhu have ya komafulo  moipangelo yepangelo.

Ombuto yoHIV moNamibia oya tandavela sha yooloka moitukulwa

nomwaalu wovakwatwa kombuto moitukulwa I li li na I li li owa yooloka

Modula 2014 ombuto yoHIV oya li pombada koushilo lundume (koRundu nokoKatima Mulilo) kombinga yoponhofi yoNooli (Tsandi, Okahao nOnandjokwe) koshitukulwa shokolukadi (koLuderitz) nokombinga yokouninginino koUsakos. Ehokololo lopaife  ola yelifa kutya omwaalu wovakwatwa owa shuna poshi kOpuwo, koRehoboth nokoKakarara.

Omwaalu u li pombada owa didilika koKatima Mulilo popepi neengba u li eepelesenda  36.0 , Rundu eepelesenda  24.1, Onandjokwe eepelesenda  22.4 . Usakos  eepelesenda  21.9  Walvis Bay noshipangelo shaKatutura eepelesenda  19.6, Oshikuku eepelesenda  18. 6  Outj eepelesenda  11. 2 ,Swakopmund eepelesenda  10.5, Windhoek Central Hospital eepelesenda  4.1 nOpuwo eepelesenda  3.9

Ouyelele wa ongelwa okudja 2002- 2014 owa yelifa nghee etandavelo lombuto yoHIV mokati kovakainhu veedula 15-19 nopokati 20- 24 la kuluka poshi okudja eepelesenda 11. 0 – 5.8 nokudja  nokudja peepelesenda  22.0  fiyo 9.8.

Etandavelo lombuto mokati kovakainhu ovanyasha  shito ohali longifwa ongoshiyelekifo shokuulika etandavelo lomukifi, omolwaash eshuno poshi mokati kovanyasha ola ulika nghee etandavelo lomukifi la ya poshi.

 Eepelesenta 49.1 dovakainhu aveshe va monika ombuto yoHIV odi li kepango loARV pakudi yeleka neepelesenda  41.4. “Eshi, osha ulika epondolo lepango loARV nokwaamena ouhanana vaha kwatwe kombuto okudja mwiina , pashikulafano la longifwa HIV (PMCT)  ngashi sha yelifwa  mehokololo.

Ehokololo tali yelifa vali kutya, kape na naana eyooloko letandavelo lomukifi pokati kovakainhu va fimba vokeedoolopa ve li eepelesenda  17.4 novokomikunda ve li eepelesenda  16.3.

Kamwi okwa yandja ehokololo eli moshivike omu pedimbuluko lefiku loHIV/AIDS mounjuni  la dimbulukilwa moWindhoek Deseba 01, 2014.Ta  yelifa kutya omukifi ou natango ou li eshongo kexumokomesho loshilongo.

Omolwaasho epangelo la kendabala kulongifa eedjo okukandeka  HIV/AIDS. Okwa ti, oidjem 2014 oya holola kutya, omukifi ou moNamibia ou li opo wa fikama nowa shuna poshi kanini mokati kovakainhu  va fimba okudja 2004.

Ta ti, “Eli edidiliko kutya, ovo va kwatwa kombuto paife  kave li vali ngaashi pefimbo kwaha li omakwafo opaunamiti”.  Omukwateli komesho wehanganoUNAIDS moshilongo omundokotola  Tharcisse Barihuta okwa ti,  omashongo  okwa holola kutya, Namibia okwa shuna poshi neepelsenta 50 dovakwatwa vape,  nokwa kelela eepelesenda  56 domafyo a kwatakanifwa  noAIDS. “Nande ongaho, Namibia okwa  kondekwa komashongo eshi oshilongo shi na ovakwatwa  vape mefiku ve li eepelesenda  33”.

Omukaleliposhilongo waAmerica moNamibia, Thomas Houghton pefimbo opo tuu opo okwa ti; “Oidjemo yekonaakono  otai kwafa ku mona oitukulwa ya pumwa tete efiloshisho, okutwala tete ekwafo oko tali oumbiwa”.

KuDesie Heita

 

LEAVE A REPLY

Please enter your comment!
Please enter your name here