Oshidjemo shomivalu daavo va humbata ombuto yoHIV itashi ti natu tameke okutyapula

0
182

Ehokololo lipe kombinga vaavo va monika ombuto yoHIV paife moshilongo, ola holola kutya omwaalu waavo va kwatwa kombuto owa shuna pedu. Ngeenge taku yelekanifwa omivalu vaavo va monikile 2010, oidjemo oya ulika kutya, omuvalu mupe owa ninipala mokati kaavo va kwatwa kombuto. Ekonaakono lomudo 2014 tali ifanwa National HIV sentinel survey,  ola ulika kutya omwaalu wovakainhu ve li momateelelo va fulwa moipangelo nomouklinika moshilongo ashishe va kwafelwa mokukelela ombuto iha fike kohanana ove li 16,9 % omwaalu wa shuna poshi , kwaavo woshidjemo shekonaakono  lomudo 2012, wa li pombada  18, 2 %. Eshuno poshi  eli oli shii okupandulwa.

Ehokololo  ola yelifa kutya  eenhele da monika da ulika oidjemo I li poshi Opuwo moshitukulwa shaKunene I li 3 %, Windhoek moshitukulwa shaKhomas  4. 1 %, Okakarara moshitukulwa shaOtjozondjupa9 %, Rehoboth moshitukulwa shaHardap I li 9.1 %.

Kakele, ehokololo ola ulika kutya ope na yoo oitukulwa imwe taku hangika omivalu I lipombada yovakwatwa. Katima Mulilo moshitukulwa shaZambbezi oko ku na omwaalu u li pombada wovakainhu ve li momateelelo ve li 36 %, Rundu moshitukulwa shomoushilo woKavango 24. 1 % , Engela moshitukulwa shaHangwena 22. 8 %, Onandjokwe moshitkulwa shaShikoto 22 .4 %.

Ombuto oi li pombada mokati kovakainhu vakula ve li pokati keedula 40 -44 ve lile po 30. 6 % ofimbo movakainhu ve li pokati keedula 35 -39 ove lile po 30. 3%. Ovakainhu ovanyasha  veedula dopokati 15-19 ove lile po 5. 8 %, omanga ovakainhu ve li pepipi lopokati keedula 20 -24 ove lile po 9.8 %.  Moule weedula odo da dja ko, etandavelo lombuto yoHIV mokati kovakainhu vepipi leedula 15-24 ombuto oya shuna poshi. Modula 2006 ova li 14. 2% ashike pashidjemo shekonaakono 2014  ola holola kutya ove li 8.3 %.

Oministeli yoshikondo shoukalinawa, omundokotola Richard Kamwi okwa yelifa kutya, oidjemo ipe oya ulika kutya omivalu yaavo opo va kwatwa kombuto, oya shuna poshi.  Eshi osha ulika kutya, otashi dulika okuka fika komido 2015/2016 Namibia a wanife po oshishonekwa sheepelsenta 5 sheameno lokutandavelifa ombuto okudja mu ina ya finda mohanana mokati kovakainhu veedula dopokati 15-24.

Nande twa mona oidjemo ya shuna poshi, katu na okutyapula, ndele otu na okulonga noudiinini nokutwikila nomikalo yelaameno nefiloshisho nokukandeka omikalo yokuyola nokuningila okayova ovo va kwatwa kombuto.

Oshikundaneki Kundana otashi twikile nokunyanyangida omauyelele e na ekwatafano noHIV/AIDS  nokuyandja omahokololo aavo va longa pamwe novafilishisho oshoyo naavo va kwatwa ilo va kumwa kombuto yoHIV. Oshifo osha ngonga po owebsite yowina mekwatafano neyandjo lomauyelele kombinga yombuto yoHIV/AIDS.  Ohatu tu oshiwana omukumo keshe umwe a tale ouyelele kowebsite oku

LEAVE A REPLY

Please enter your comment!
Please enter your name here