Oshitukulwa shaShana sha longekida oshikonga sheameno meendjila

0
230

ONGWEDIVA – Komanda wopolifi yoshitukulwa shaShana Ndahangwapo Kashihakumwa okwa ti, okuyepa oiponga, okuxupa moiponga neameno lomyenyo , kashi fi ashike oshinakuwanifwa shopolifi ndele keshe umwe na kwashilipale kutya,  ye okwaamenwa naaveshe ve li poupepi naye ove li meameno.

Pefimbo lepatululo loshikonga shepashulo loshiwana kombinga yeameno nehenuko loiponga yomeendjila la nigilwa oshivike sha dja ko pOngwediva moshitukulwa shaShana, Kashihakumwa okwa  ti, ope na ovanhu vamwe hava dilaadila kutya oshinakuwanifwa sheameno leendjila  oshi li ashike meke lopolifi, no ihava tale  keenghatu detauluko loveta,  okuhena ko na sha nokushinga nouhasha  kwovashingi vamwe po.

Onghee omukwateli komesho wopolifi moshitukulwa shaShana  okwa kumaida oshiwana  shi tameke ku lopota  ovashingi  ava tava monika tava tauluka  eeveta neemhango domeendjila.

Paife ovanhu  ngeenge tava shingi pafiyafano, ohava dilaadila ashike koukengeli wavo. Ngeenge omunhu okwa landa etuwa loBMW lonomodela 2013, yee kaume kaye  ta lande omodela 2014, yee umwe ta lande oMercedes Benz, mukwao umwe ta lande  vali etuwa londilo li dulife pwaao, oto hange ovashingi vomatuwa omaludi oo tava tale ou ta dulu kushinga eevili nhatu pokati koWindhoek nOshakati ilo va tale ou ta shingi oule wominute 15 pokati kOngwediva nOndangwa ovanhu ovo ve li poupepi noshitauwa osho tashi endwa kovashingi vehe na ko na sha, ovo  hava kwatelwa  moiponga yoludi eli. Kashihakumwa ta ti; “ onghatu iwa noya fimana , okuyandjao uyelele kopolifi opo I shiivifile ovapolifi ve li pomakondeka moitauwa”.

Kahihakumwa ta twikile ko nokulombwela oshiwana  kutya,  kakele koshivileo shoKrismesa nomudo upe, neehango,  oivilo yomatango manene neudo  inai fa ikwao yopomafimbo oshito  notashi dulika ehafo li kale  pombada tali endele mumwe noidjemo yomahoololo.

Pauyelele wa yandjwa kukomanda womatanga opolifi moshitukulwa, kutya ngee ongudu ilipi po tai findana omahoololo oilyo yongudu oi na  kutyapula efindano, nomatyapulo oludi olo otashi dulika a twikile oule wefimbo alishe lefudo.

“Otashi dulika ovanhu va tyapule kate odula tai ya, noto hange vamwe  tava ende noma noimbaba yokutalalekela notava shingi voo tava dingonokifa omatuwa avo.  Otu na okukala twa kotoka. Keshe shimwe otashi dulu kuyepwa, neepelsenta 99 doiponga yomeendjila hai ningwa moitauwa yetu otai dulu kuhenukwa” Kashihakumwa ta ti.

Oshikonga sheudife ko keameno pefimbo loivilo yomatango maneno osheetwa po shehangano loMotor Vehicle Accident Fund. Ekondeka mondjila yaNgwediva  ola yambididwa pashimaliwa koNored Electricity ashike neudo ovanangeshefa  va yooloka ova kwafela oimaliwa I dule N$100 000 okuyambidida oshikonga eshi.

KuHelvy Shaanika

LEAVE A REPLY

Please enter your comment!
Please enter your name here