Oteya a pititha oalubuma Ethimbo

0
228

WINDHOEK- Daphne Willbard a tseyika nawa nedhina Oteya osho apititha oalubuma ye yotango ta yi ithanwa Ethimbo oshiwike shika.

Oalubuma ya Oteya ndjoka yina omusholondondo gwoongalo 10 oyo yimwe yak ala yategelelwa koyendji, nongashingeyi oyo yimwe tayimwenyeke moshilando.  Oongalo adhihe dhili moalubuma Ethimbo odha shangwa ku Oteya.

Oteya oye gumwe gomuukadhona dhingi mboka hawu imbi oongalo tadhi nyanyudha aapulakeni, nomasiku hamale gapiti okwa ka kala tadhana okambadhala unene tuu nuungalo mboka ali apititha tango ngaashi Ethimbo naSimon. Uungalo awuhe owali wapitile pamwe nuuvidiwo wawo, mboka waningwa nuukeka.

Okangalo Simoni koludhi lwoHouse okena etumwalaka tali tungu nota ka longo aantu nkene yena okukalekapo aaholike yawo noku ya sila oshimpwiyu. Oteya okwali a popi ishewe kepandja lye lyoFacebook pethimbo a pititha okangalo ke ta ti aatali naapulakeni naya ilongeleko kokangalo haka oshoka okanunimwa omapipi agehe koonono no ke na etumwalaka tali tungu.

Simon okangalo hoka ka landula ongalo ya Oteya “Ethimbo”, ndjoka ya kala tayi dhana onkandangala uule wethimbo efupi konima ashike sho yali ya pitithwa omvula ya ziko. Ongalo ye oyo tuu ndjoka oye mu tula pamuthika gwopombanda no ya ka kala noku ulikwa kooradio dhomuzizimbe dhomoshilongo ngaashi kopolohalama yoNBC Watagwana, osho woo oonkwawo dhopondje yoshilongo. Kakele ashike kuungalo mboka wa Oteya wuli pomuthika gwopombanda, Oteya okwa kala noku ulika uunongo we mpaka naampeyaka sho a kala ta imbi pomahala ogendji gomainyanyudho nopiituthi ya yoolokathana.

Ku Pinehas Nakaziko

LEAVE A REPLY

Please enter your comment!
Please enter your name here