OvaHangwena navo ova dimbuluka efiku loHIV/AIDS

0
203

ONGWEDIVA – Opa pita omifdo 30 HIV/ AIDS ya didilikwa mounyuni, no moNamibia omunaudu wotete okwa monika 1986, nokudja opo omukifi owa enda tau tane moshilongo ashishe.

Namibia oshimwe shomoilongo 40 I li komesho   ya dengwa komukifi ou. Paidjemo yekonaakono 2012, ovanhu 194,505 moNamibia ova kwatwa koAIDS, moshilongo ashishe.

Moshitukulwa shaShana omu na ovanhu 26,9695 ve  li kepango. Pauyelele wa yandjwa komunambelewa woshikondo shouhaku  koshitukulwa shaHangwena Lina Nampala ota ti,  ekonaakono lomudo 2012 ola holola kutya ovanhu 31976 va konaakonwa 2707 ova umbata ombuto omwaalu wa weda kwaau wa kala po nale paife u fike pomayovi 19,661 ve li komiti doARV moshitukulwa ashishe.

Nampala ta weda po kutya, omukifi ou li  pombada  unene peenhele edi Engela, hivali Eenhana taku ya Okongo. Ta yelifa eenghendabala dipe depangelo okutula koARV ava va monika ombuto ve na eeCD4 count 500 okuuka poshi, omanga nale kwali haku tamekwa 350. Pamhango ipe ounona ve li koshi yeedula 15  ovena kuya komiti.

Moshitukulwa shaHangwena ovalumenhu va kenghwa ove lile po eepelesenta dinini, omanga pauyele womukwatanifi woHIV/AIDS moshitukulwa shaShana Peter Iita a yelifa kutya nande eshikulafano lekengho okukengha ovalumenhu 26886, fiyo opapa ovalumenhu ashike 3347 va kenghwa.

Edimbuluko leffiku loAIDS 2014 ola dimbulukiwa nominyanyo moshitukulwa shaHangwena noshaShana, kwa shivwa ongudu inene yovalumenhu I konaakonwe shaashi moshitukulwa shaHangwena, eepelesenta ashike 40 % dovalumenhu da konaakonwa. Ngeenge omunhu wa  konaakonwa oto dulu kukwatela po oundjolowele woye nowamukweni. Onghendabala ikwao okwa longekidwa ovanyasha va yandje ouyelele kuvakwao nghee omunhu e na okulaamena komukifi nokutala kefimano leikonaakonifo. Ombuto ei ohai dulu kukwata omunhu keshe, onghee ava va kwatwa nava yambididwe va diinine po oukolele waye. Va tuwe omukumo va kale neteelelo liwa poop aha udike vali ovakwatwa vape moshiwana.

Komutoolinghundana

LEAVE A REPLY

Please enter your comment!
Please enter your name here