Uudhano woliha yOmaalala mehuliloshiwike ndika

0
181

OMAALALA-Edhingoloko lyotango  lyuudhano woliha yokoMaalala ndyoka lya kala nokutegelelwa koyendji moshitopolwa shaShana otali tameke ehuulilo shiwike ndika.

Ethigathano ndika ohali kuthiwa ombinga kOosipana dhoka inadhimona ompito okukutha ombinga mooliha dhopombanda moshilongo.

Nopethimbo ndika oyili hayilongithwa onge ondjila yOosipana dhomoshitopolwa shaShana okuya kooliha dhopombanda.

Herman Paulus Kalimbo ngoka eli omunashipundi guudhano mbuka okwati oliha ndjika oyili tayidhana onkanadangala moonkalomwenyo dhaanyasha oyendji moshitopolwa na oyili yakutha aagundjuka oyendji momapandaanda.

Ashike dhika kalimbo okwedhipopi neyeme sho tati oyeli yataalelwa komashongo ogendji moka mwakwtelwa ompumbwe yoshimaliwa, omatanga gokudhanitha niikwathithi yomaudhano yilwe.

Okwati ye, pamwe nelelomutima goliha ndjika oyali yakuthapo oshinakugwanithwa shika shokuunganeka omaudhano ngaka opo yakwathele aanyasha mboka oyendji yomuyo yeli kayena iilonga na inayamona oompito dhokuya kiiputudhilo yopombanda.

“konyala sho twatotelepo oliha ndjika mo 2006 otuli nale twa pititha Oosipana dhili 6 okuya koliha yo Second Division moka Osipana ontalala okuya ko Second Division oyo Khuse Academy”,Kalimbo Tati.

Oosipana ngaashi Onelago United, Africa Motor,Oshakati United,J.Aron na Mvula United odhili nale dhimwe dha longitha ondjila yoliha yoMaalala okuya ko Second Division.

Kalimbo okwa indile Oosipana dhi ilongekidhe nawa opo yakanyanyudhe aayambidhidhi yawo, tati aantu oyendji oyeli yah ala oku yambidhidha oliha ndjika momuvo gokatanga go 2014-2015.

Ota indile wo aanangesefa nakehe ngoka ena oshigwana komutima opo yakwathele oliha ndjika naashoka yenapo.

Oliha ndjika oyina Oosipana dhili 10, nomwaalu ogwa tegelelwa gukalonde sigo opOosipana 14.

Uudhano wedhingoloko lyotango owategelelwa wukatameke potundi ontihetatu molyomakaya.

KuShipi Elago

LEAVE A REPLY

Please enter your comment!
Please enter your name here