A yahwa okusa kosekuriti

0
392

ONGWEDIVA- Omulumentu gumwe okwa yahwa okusa komugameni gwomaliko omanga a londa pombanda yiipeleki ta ka mbadhala okuya meni lyondunda a ka yake.

Oshiningwanima shika tashi nywitha osha nigwa ongula yosoondaha sho aalumentu yatatu ookalyamupombo yiitsuugumbo opo ya ka teye ondunda ya tseyika nawa nedhina Ekango Sheeben pomukunda Odimbwa, moshikandjohogololo shaEtayi.

Omupopiliko gwopolisi mOmusati Warrant Lineekela Shikongo okwati aalumentu mbaka yatatu mwakwatelwa nakusa oya li ya adhika taya tete iipeleke pombanda yondunda ndjoka sho omugameni gwomaliko eya mono. Oya nukile pevi andola ya fadhuke po ashike gumwe gwomuyo okwa yahwa nokusila mpoka.

“Yaali yomaafekelwa mboka oya fadhuka po na kaye shiwike kutya oya za peni ashike nakusa okwaza momukunda gwedhina Enoleu moshikandjohogololo shEtayi,”Shikongo ati ngaaka.

Shikongo okwa hokolola kutya nakuhwa oye Gideon Nghilifa Hangula omunamvi 40 gwokomukunda Enoleu na aakwanezi mo oyatseyithilwa kombinga yeso lye.

Ngashingeyi opolisi mOmusati otayi indile nesimaneko enene koshigwana opo ngoka ena uuyelele kombinga yookalyamupombo mbaka na ninge aniwa ekwatathano nopolisi meendelelo  kongodhi tayi landula  0811245141 Detective Warrant Officer Aupa Erastus  nenge Warrant Officer 0817427020 .

KuLoide Jason

 

LEAVE A REPLY

Please enter your comment!
Please enter your name here