YomOshikwiyu inaya nyanyukilwa mwene gwomukunda

0
216

OSHIKWIYU – Aakalimo yomomukunda Oshikwiyu ngono gwali tagu lelwa ku tatekulu Teofilus Ikwa, oyati inaya halawe nande eya lele no ya tokola kutya oya hala mwene gwomukunda gumwe omupe oye eye e ya kwatele komeho.

Aanamukunda oyali ya gongala molyomakaya ga piti sho yali ya holola omaiyuvo gawo, no ku shanga omukanda gu fale kuuwa opo mwene gwoshipundi e keshi tyeko komukwaniilwa gwaNdonga kutya aanamukunda otaya nyenyeta no kaya uvitile Ikwa ombili.

Momukunda Oshikwiyu omuna omagumbo  geli omilongo ndatu  nalimwe mono omagumbo geli omilongo mbali na gahetatu gali ha holoka koshigongi, go omagumbo agehe ngono ogo inaa ga pumbwawe ya tsikile na Ikwa.

Aanamagumbo mbaka oyali ya holola kutya kaya uvitile mwene gwomukunda gwawo ombili no ya hala a katukilwe onkatu meendelelo, oshoka okwa teya oompango noveta. “Otwali tushi otuna omuleli gwetu omwiinekelwa tatu vulu ku egamena kuye uuna tuna uudhigu, ihe nani otatu ifundju owala, tse onga aanamukunda otwa geyithwa koshinima shika sha mwene gomukunda ta mitike okanona koskola no ku ka ningila omatilitho,okanona hano okashona unene no  keli methimbo lyoku ilonga,” Gumwe tati ngaaka.

Oyendji mboka yali ya holoka koshigongi oya li ya ti momukunda Oshikwiyu otaya lit a yapi , oshoka anuwa nenge owuye kaandja ya mwene gwomukunda wu ka popye uudhigu woye ohashi vulika wu zeko inoo mona omakwathelo ngweye inoo yamukulwa , no ye wete kutya otaya hepekwa unene sho osho ye shi holola kutya inaya pumbwa we yaye komeho na tatekulu Ikwa.

Moku holola kwawo uukwawo wanankali omolwa shoka sha longelwa okanona haka koskola ku mwene gwomukunda oyali ya uvaneke taya ka kwatha yina yokaana haka no ku mu hunga omwenyo opo omadhiladhilo ge ga shune pehala ye a dhimbwe ayihe ya ningwapo manga oveta tayi tokola.

Aanamukunda oyali ya indile okanona ka lukwe mbala ko ka vulwe ku shashwa no ku mona woo uuthemba woshilongo. Taya indile opo Omusamane ngoka a kale no ku gandja omakwatho nomayambidhidho kokanona.

Konima yoshigongi esiku ndyoka mosoondaha yamwe yomaanamukunda ogo tuu nguka oyali yayi kombala komukwaniilwa Kauluma opo ya ka hokolole uudhigu wawo mboka yena  yo ya tale nkene taya yamukulwa. Omukwaniilwa pamwe nomalenga ge oya uvaneke taya ithana tatekulu Ikwa yo ye mu lombwele ndhoka ye a fute woo okanona kaantu hono a mitike naashino otashi ningwa manga okrismesa inaayi adha.

KuMaria Namupala

 

LEAVE A REPLY

Please enter your comment!
Please enter your name here