Ehoololo laColeman meyandjo lomapapa oCAF ole li kalekelwa

0
177

Komutoolinghundana

WINDHOEK – Ehoololo lomudanitanga omukainhu Zenatha Coleman umwe waavo tava ka  kufa ombinga mefiyafano laxuuninwa lo2014 loConfederation of African Footballer (CAF) Women Footballer  of the Year Awards otali ti shihapu kombinga yetanga lokeemhadi moshilongo.

Oshivike eshi CAF okwa shiivifa kutya Coleman nOvanigeria Desiree Oparanozie naAsisat Oshoala, Omucameroon Annette Ngo Ndom nOmusouth Africa Portia Modise ova tofwa mo okupewa oamapapa ovadanauki dingi mokati kovakainhu Ovaafrica 2014.

Omukwatelikomesho koshitukulwa shetanga lokeemhadi lovakainhu metanga lokeemhadi moNamibia, Jacqui Gertze, okwa ti eshi  osha ulika kutya ekufombinga lovakainhu  ovaNamibia metanga lokeemhadi kenenedu oli  shii kupandulwa.

Eshi oshi shii kupandulilwa Zenata, kuNamibia noshi shii kufimaneklwa ovakainhu ovadanitanga moNamibia. Osha ulika nghee ovadanaukitanga  ovakainhu ova fika ponghatu yefiyafano pamufika wopaiwana.

Gertze okwa weda po kutya Zenata omudanauki e holike kovadanaukitanga pamwe navo, iha sholola alushe okwe lilongikida kudanauka, ngee okwa dengwa moudano oha kwena, kombad yaaishe ei oye mudanauki dingi omolwaasho e holike kovadanauki vakwao .

Okwa ti: “Ondi wete Zenata oha danauka nanwa e dule ava ve na  eshiivo lopombada  meespana dovadanauki dakula muAfrica naashi osha pandulifa oNFA naZEnata a dule kutwikila komesho neyambuke po metanga.

Gertze ota kwatele komesho osheendo  shaavo ve li koshi yeedula  20, tava ka kufa ombinga mefiyafano loCOSAFA koBulawayo shaZimbabwe okudja Dec 05-09, 2014. Cooleman oku shii kulongifwa moudano wovakainhu moNamibia nokuholike  kovaholitanga hava yada pokapale koSam Nujoma ngee ospana yoGladiater tai danauka.  Okwa tula mo okoola ya dengifa Ivory Coast kuNamibia 3-1,

Ovafindani otava ka ingidwa poshivilo sheyandjo lomapapa tali ka ninngwa mEtine Jan 08, 2015 moLagos shaNigeria.

 

LEAVE A REPLY

Please enter your comment!
Please enter your name here