Engathithi lya tsakaneke Mbidi mOngwediva

0
239

KuShipi Elago

ONGWEDIVA-Engathithi enene lyaayambidhidhi yokatanga kokoompadhi olya li lya pe Omupresitende omupe gongonga hangano lyokatanga kokoompadhi moNamibia etaambeko lyopaupendafule mOshana Omanadaha gazi ko.

Ongundu onene oyali yategelele Frans Mbidi nosheendo she pomboloka yaNgwediva, mpoka osheendo shatameke, nosha yi sigo okOombelewa dha NFA mOshakati.

Aayambidhidhi oyali shili yanyanyukwa nashika oshali sha ulikwa komikweyo dhiihauto dhoka dhali dha thinda kOombelewa dha NFA mOshakati.

Mbindi okwati ye okwiiteela mekutho mbinga lyaayehe momaudhano onkene ota ka taambulako omayele okuzilila koombinga adhihe mwkwatelwa naamboka yali tayemukondjitha okukondjela oshipundi shuuPresitende wo NFA.

Oshilalakanenwa shotango okwahala ayambulepo Osipana yopashigwana ano Brave Warrious yi ye pamuthika mpoka tayi vulu oku eta omasindano omanene.

Tati shika ota keshininga sho taka pa Osipana ndjika omawudhano ogendji gopambili niilongo iinene mu Afrika tatothamo ngaashi Cameroon,Ghana,Nigeria,Algeria niilongo iikwawo.

Okwati otakakambadhala anyangele Osipana ndjika yopashigwana omawudhano gopambili geli ga 8 muule womimvo mbali, oshinima shoka ihashiningwa mongashiingeyi.

Okwahala wo Namibia ahwepopaleke omuthika gwe momusholondondo gwoFIFA tai ngele shika oshaningwa nena niilongo yopondje yenenevi otayi kakala yahala okudhana naNamibia.

Okwati Recardo Manetti oye omudhewuli omwaanawa na okwa pumbwa ashike apewe ethimbo lyagwana noonzo dhili nawa opo a ulike kutya eeno ota vulu shili. Tati okuyele natango okupoya kombinga ya Manetti ngoka oye omudhewuli go Brave Warriors

Okwati kombinga yependulepo lyomaudhano ota katota mooregiona kehe oskema yomapendulepo guudhano ndjoka tayi kakwatelamo okumuna aadhani okuza pomivo dhopevi, tati nashika oshina oku ningwa meendelelo.

Frans okwati okuli anyanyudhwa kokatanga koomeme moshilongo, tati Osipana yo Brave Gladiator oyili yimwe yomoosipana hayitilika muAfrica na otati oyapumbwa ashike eyambidhidho.

Okwa indile wo aatooli nkundana opo ya hedhe popepi noombonge dha NFA yo ya ilonge oshindji opo yaw ape okukundaneka oshigwana nuuyele wuli mondjila notawutungu.

Dhika Frans okwedhipopi konima yoshiindingili shoka ali aningilwa kaaholi yokatanga mOshakati.

LEAVE A REPLY

Please enter your comment!
Please enter your name here