Ethigathano lyoompata dhOshiwambo oko li li momuvo tagu ya

0
296

Ku Simon Shiwanda

Osekundosikola  yaNuuyoma moshitopolwa shaMusati moshikondolongo shaElim otayi ka longekidha ethigathano  lyoompata melaka lyOshiwambo momuvo tagu ya muJuni  oshikando oshitiyali mondjokonona yosikola.

Ethigathano ndika oha li longekidhwa koongundu yoompata dhOshiwambo mosekundosikola yaNuuyoma mekwatelokomeho lyomulongi gwomalaka tate Simon Shiwanda. Ethigathano ndika olya egulukila oosikola adhihe dhomoshitopolwa shaMusati okuza pondondo ontihetatu sigo ontimulongo nontiyali.

Ethigathano ndika olya ningilwe  oshikando shotango momuvo gwa zi ko  posekundosikola oyo tuu ndjoka nolya li lya sindanwa po kosikola oyo tuu ndjika, omanga epapa lyomupopi dhingi lya li lya sindanwa po komulongwa gokosekundosikola yaNesi, omanga osekundosikola yAshipala ya li ya sinda ehala etiyali  omanga osekundosikola yaHaudano ya li ya  sindana ehala etitatu.

Aalongwa ayehe mboka ya li ya kutha ombinga oya li ya pewa oondjapo. Elalakano lyethigathano ndika okudhewula aalongwa opo ya kale ya pyokoka nawa mokupopya elaka lyooyinakulu noohekulu.

Ethigathano ndika olya simana woo kaalongwa mboka ye li mondondo  ontimulongo nontiyali oshoka aalongwa otaya iilongo okundhilaadhila muule unene ngele taya ningi ekonakono lyawo lyopakana.  Uudhano mbuka owo uudhano wopambili moka aalongwa haa tompathano  miipalanyolo yi ili noyi ili ya pamba onkalamwenyo, uushitwe, nosho wo omudhingoloko.

Oosikola oyo tu ndjika oya thaneka okulongekidha ethigathano lyuudhano wopamuthigululwakalo momuvo tagu ya. Uudhano mbuka otawu ka hiya oosikola adhihe ndhoka dhi li moshitopolwa shaMusati okuza pondondo yotango sigo ontimulongo nontiyali. Onkee otatu indile oosikola ndhomoshitopolwa shaMusati opo dhi ilongekidhile  omaudhano ngaka goopali petameko lyomuvo tagu ya opo dhi mvule okusindana momathigathano ngaka. Ombala yaNuuyoma oya upika omakuya gayo, noyi li yi ilongekidhila  omathigathano ngaka.

Pehulilo  mpaka otu shi okupandula ayehe mboka ya kutha ombinga methigathano lyonuuvo aalongi naanasikola molwashoka oya longo nuudhigini opo ethigathano ndika li adhe elakakano lyalyo. Otatu pandula woo koondunge mwe tu gunu uunene tu ngele tashi ya pomalongekidho lyethigathano ndika.  Omapukululo nomayele mwe tu pe otatu ga tula miilonga. Otwe mu halela omuvo oKrismesa ya Yambekwa Nomuvo omupe gu na elago. Uuyelele awuhe wu na sha momathigathano ngaka oto vulu okukwatathana namitili Shiwanda ko 0812163356 nenge ko hotibs@gmail.com. Okambo koompango dhoompata otaka monika woo posikola yaNuuyoma SS.

* Simon Shiwanda omulongisikola gwomalaka posekundosikola yaNuuyoma

 

LEAVE A REPLY

Please enter your comment!
Please enter your name here