Frans Mbidi a findana po oupresidente woNFA

0
321

KuCarlos Kambaekwa

WINHOEK –  ONamibia Football Association oya mona omuwiliki mupepe. Frans Mbidi oye a finda oupresidende wehangano lokatanga kokeemhadi mehoololo ola ningwa Olomakaya moshoongalele oshiti 24 sha li moWindhoek.

Oshoongalele shomahoololo sha kala sha teelelwa osha ka shakeneka omaupyakadi eshi omukondjifi Ranga Haikali novashikuli vaye ve liteeke moshoongalele omo Mbidi  a ya mefiyafano loupresidente woNFA oye aeke, nokwa ninga omupresidente omithetatu woNFA.

Mbidi okwa mona omawi 19 omomawi 25 omo oitukulwa Erongo noKaras inai kalelwa mo. Oitukulwa oya koleka kutya otai yambibida Haikali  omawi ayo inaa valulwa shaashi inaa wanifa po eshi sha teelelwa.

Moshoongalele mwa li ovashiivinawa va dja koFIFA ova talela nawa  ova ya komesho nomwaalu wovatumwakalelipo vahapu va twikile nomahoololo. Ovayambididi vaHaikali vavali va fyaala mo inava hoolola.

Oshilyo shikulu mewiliko lopombada loNFA nomunashipundi koshitukulwa shaMaheke, Croocks Nunuheb okwa hoololwa a ninge omupedu presidente omutivali woNFA, Naftali Ngalanngi wokoshitukulwa shaKavango a ya ponhele yaKornelius Kapenda, Oscar Mulonda wokoshitukulwa shaZambezi, pamwe naRoza Kmbatuku, Alama Mupupa, Jackob Haindonga, Shali Amakali naStefanus Shimbike  ova shuna peenhele davo mewiliko lopombada moNFA eshi ovafiyafani navo ve li kufa mo.

Nande eliteeka mo  lavo la halula ovanhu, oilyo itatu yokomitee NFA Independent Electoral Commission (IEC) mewiliko la Ambrosiu Tierspoor, Moses Ikanga naAfrika  Jaantjies, ova  holola eudombili lavokeendifo lomahoololo a wilikwa koNFA tava ti okwa enda payuuki nopamanguluko.

Pefimbo opo tuu opo, oshoongalala osha tokola kupandula president mukulu woNFA John Muinjo. Muinjo e holike kuvahapu okwa pewa efinameko lopaupresidente.

 

LEAVE A REPLY

Please enter your comment!
Please enter your name here