IDRIS OYE OMUFINDANI MOBIG BROTHER HOTSHOT

0
249

Eshi a kala meumbo loBig Brother oule weemwedi mbali, omukaleluipo waTnzanaia meumbo loBig Brother omunamido 21 Idris okwa findana po  US $ 300 000 (N$3 439 770.00) oye omuTanzania omyutivali ta findana meumbo loBig Brother a landula Richard Bezuidenhoudt ou afindana mo2007.

Okwa tameka kumona oitwa ihapu mokutumbulwa konima yekale mo omafiku 63, a kala e hole omashendjo a kala a yooloka mokati kavakwao. Medingonoko etimuwoi meumbo loBig Brothern kenedu Africa, oye a kala nawa mokati kavakwao .

Meenghundafana pangodi nomukundaneki woNew Era Selama Neshiko, “Idris okwa ti;  Oshiholekwa sha findanifa  nge mefiyafano eli, okukala ngaashi ndi li. Onde  luumbata ngaashi ndi li.  Kanda li ndi shii eshi Africa a mona mwaame, nelunduluko a teelela kwaame, ashike paife, Africa okwa lundulula onghalo yange”.

Idris ta ti, ka li a teelela kufindana. Eshi a pulwa kutya eshi  a findana oimaliwa ote ke I longifashike, okwa ti okudja paife ota kotokele ookaume . otashi kala shidjuu kuye okuya mekwatafano shaashi olye a yuka nolye a puka. “Pamhito ei itandi I mekwatafano nomunhu nohandi  teelele efimbo li fike”. Osho a ti. Ta weda po kutya oimaliwa ote ke I longifila meeprojeka dovanyasha muuAfrica nota faneke kuwedela keestudio  dehangano laye Graphic Company I-View .

Idris okwa didilika omashongo mefiyafano omo va li navakwao 25 meumbo omo va kala oivike 9 yomalandulafano e li li, keshe shivike ve na oinakuwanifwa ya yooloka. Konima yeshiivifo kutya oye omufindani, Idirs okwa lombwela IK : “Ondi udite nda loloka konima yomafiku mahapue. Ondi mu hole ovaAfrica  amushe, omafiku nda kala meumbo loBig Brother ohandi ke a futila po”. Omulumenhu a dja koArusha shaTanzania osho a tumbula.

Oshivilo osha hovela noinyangadalwa yo17 ava va dja mo nale va pewa omhito va ulikile enenedu oipewa yavo. Oshiningwanima shaxuuninwa omwa kufwa ombinga kovashivikile vahapu ngaashi One Campaign  Artists, omuNigeria wedina M.I. nomuSouth Africa Unathi Msengana. Navahetatu va fyaala meumbo, ova kufa ombinga. I.K. omukwatelikomeshi okwe va ulikila nghee va kala moule womafiku 63 meumbo, omafiku mawa, omaudjuu va mona nomafiki ehafo va kala pamwe nokwiilongafana kombinga yomifyuululwakalo doilongo ya yooloka nomaukwatya ovanhu va yooloka.

Keshe umwe okwa li a teelela a lekelwe mo, eshi Sizwe Ntsaluba Gobodo omutalinawa a yandja ekutu loidjemo yefiyafano kuI.K. nokwii shiivifa. Okwa lekela mo Butterphly , M’am Bea, JJ, Sipe, Nhlanhla naMacky2 a dja keumbo lokoParis, va fiya Idris naTayo pokati kavo pa dje omufindani omunelao.

Efimbo leshiivifo lomufindi li li pokufika ova ifanwa  mokanduda keenghundnafana dokutya sha xuuninwa,  va va ka shakeneke I.K ova findikilwa nefimano loutopifa.

Wangimba  Mba-Uzoukwu, omukwatelikomesho woshitai shaM-Net koutokelo waAfrica okwa pandulaovalongekidi  voBig Brother eshi ve shi ednifa nawa. Ta halele Idris omholo iwa eshi a findana meumbo ta pandula vakwkao vo  va kala  naye meumbo omafiku 63.

Omuwiliki ndjai wo Endemol South Africa okwa ti: “Out udite etumba mokweeta po osheetwapo shiwa shoBig Brother Africa”. Nande eumbo la pya po konima yoivike , osha hafifa enenedu eshi MultiChoice a ulika efiyafano eli. Kouyelele to pumbwa  u nasha nefiyafano loBig Brother kwatafana nowww.bigbrotherafrica.com ile kwatafana nafye kosocial media@bigbroafricaka koTwitter, @bigbro_africa koInstagram nokoFacebook.com/bigbrotherafrica

LEAVE A REPLY

Please enter your comment!
Please enter your name here