Oluteyi Annual Sport Day mo 25 December 2014

0
292

KuShipi Elago

OLUTEYI – Ongesefa yoBestonstein Construction  oyo omukwashilipaleki guudhano wokomumvo wOluteyi Annual Sport Day mboka tawu kaningilwa pokapale ketanga pOluteyi mo 25 December 2014.

Ongesefa ndjoka ya yambukile Windhoek oyili yatokola opo yi tule po okapandi ko N$ 2500 nekopi .

Mwene gongesefa ndjika Justus Hafeni Shoopala okwati okwatokola opo atopole okashona hoka alikola noshigwana shomudhingoloko moka azile onge oshitopolwa shongesefa ye okuwathela oshigwana.

Okwati uudhano mbuka owanuninwa oku eta pamwe aantu koombinga noombinga uunene tuu pethimbo lyomatango omanene sho oyendji yomaanyasha yeli hayagalukile kiishwa yawo hoka yayambukile.

Okwati wo oshili wo ompito yokutsa omukumo oohiinina mboka yeli natango mOosikola opo yalonge nuudhiginini sho taya  kamona mboka yayambukile miitopolwa yawo nkene yahumithwa komeho kelongo.

Okwati wo esiku ndika otali kahanganitha aantu ayehe moshitopolwa shaLuteyi niitopolwa yopuushiinda.

Ngoka takwatele komeho okangundu longekidhi Inodhimbwa Shaanika okwati omalongekidho agehe ogeli metifa na ota indile Oosipana dhoka tadhika kutha ombinga dhi ilongekidhe dhamanamo.

Okwati Oosipana dhaakokele otadhi kadhana nOosipana dhoohinina nelalakano oku ulukila oohiinina komutse gondjamba.

Okwa ti hashilwitho sha honga mesiku ndyoka oshoka egameno olili nale lya tulwapo kaakalekipo yombili.

Oosipana otadhi ka ishangitha no N$ 650, na opuna ashike ondjambi yimwe ndjoka tayi ka sindanwapo komusindani ndjoka yo N$ 2500.

Oosipana dhomoshitopolwa shaMusati odhili dhategelelwa dhikuthe ombinga mesiku ndika lyondokonona yAakriste.

Ino okwati otayamonika kepandja lyowo ko Facebook lyedhina Aaluteyi kwaangoka ahala uuyelele wagwedhwapo.

Oluteyi oluli moshitopolwa shaMusati 15 km muuzilo wodoolopa yakahao.

LEAVE A REPLY

Please enter your comment!
Please enter your name here