Omaihumbatonayi gaanasikola ga vuka

0
272

KuMaria Namupala

ONDANGWA – Aluhe ngele tashiya pehulilo lyomumvo nopethimbo lyomakonakono gahugunina gokomumvo, aanasikola oyendji ohaya kala ya teya omitse nomayihumbato gayo olundji ohaga shendje.

Shino osha konekiwa unene moosikola odhindji  monooli moka aanasikola yamwe haya kala taya ihumbatele nayi aalongi noku ya ula omalaka omawinayi oshoka anuwa oye wete ya mana oskola no ye wete ya koka.

Moonkundathana twa ningi nomukuluntuskola posikola pOshiyagaya yili moshikandjo shaNyaanya Geras Shatika okwati aanasikola oyendji unene mboka ya shanga ondondo onti-10 omayihumbato gawo ohaga shendje unene ngele tashiya pekonakono lyahugunina, ta ti yamwe mboka yali yena omaihumbato omawanawa nayo ohaya nwethamo kwaamboka yomayihumbato omawinayi.

“Yamwe yomaanasikola oya dhina aalongi, noyendji ohaya kala inaa yah ala omapukululo, tse thimbolimwe omuntu owahala wu mu ukithe mondjila yu ukilila ashike yemwene ota goyoka owala ina hala nande ku pukululwa, ta vulu nokuli e ku yamukule kutya kushi gwaandjawo,” Shatika tati ngaaka.

Shatika okwa gwedhapo kutya poompito odhindji ngele tashiya po ku mana ku shanga ekonakono lyahugunina opo uunene aalongwa haya shendje omayihumbato gawo. Okwati woo oto adha nokuli omizalo dhosikola dha shangwa noku tuulwa nonande dhali omipe oshoka anuwa oye wete kutya omvula oya pwako otaya landelwa dhimwe oompe momvula ya landula.

Moku endaenda kwetu noosikola esiku aanona ya mana omakonakono otwali twa adha poosikola dha yoolokathana aanona yoskola oyendji ya tuula omizalo dhawo dhosikola na yamwe oyedhi shana nuumbele. Sho gumwe gomuyo a pulwa okwali a holola kutya anuwa okweyi tuulapo oshoka aakuluntu ye oye mu landela yimwe ndjoka ta tameke nayo omumvo ta guya.

Aluhe omuti ohagu imonikila miiyimati yagwo, omunasikola oye tuu nguka a tetapo nokushuulapo omuzalo gwe gosikola sho ya ka mona oonzapo dhawo kali nande eshi pondola opo a vule kuya kondondo ontimugoyi, shino tashi ulike kutya omayihumbato omawinayi otaga eta endopo nokwaa ilonga maanaskola

Shatika okwa kunkilile aavali ya  putudhile aanona esimaneko, wo wu vule oku enda mondjila yu ukilila wu mane elongo lyawo, tawu kala woo tawu simaneke aalongi yawo no ku etha ayihe iiwinayi mwa kwatelwa onkalo yo ku kala puundingosho.

LEAVE A REPLY

Please enter your comment!
Please enter your name here