Omatemo naga ye komipini omvula oya loka

0
348

KuMaria Namupala

IIKOKOLA – Mwene gwomukuna Iikokola mOndonga I-Ben Nashandi okwali a kunkilile aantu yomukunda gwe ya tameke ku longa momapya oshoka omvula oya loka nawa.

Nashandi okwe ya indile ya longekidhe omapya gawo nawa yo ya longe nuudhiginini oshoka omvula oya tameka kuyele nawa, te ya indile wo ya kuthe onkatu nompito manga kuyele, yo ya longe iipalutha ya gwana.

“Aluhe omuntu ngele oto longo oshilonga shoye nomukumo no neyitulomo , oho mono eteyo ewanawa pehulilo, longeni nuupenda opo mwaa kale tamu nyenyeta pethimbo lyeteyo kutya omwaq mona eteyo lya nkundipala, longitheni ompito ndjika omanga omvula opo ya tameke ku loka oshoka ka tushi kutya otayi loko sigo uunake,” Nashandi ta gwedhapo.

Nashandi ta tsikile no ku kunkilila aantu ye ya simaneke iilonga yomomapya, oshoka anuwa oyo tayi gandja iipalutha moshigwana. Tati ina hala aantu taya longo ondende no ku kala puundingosho pethimbo lyiilonga, no ku kala taya pula oshikukuta konima manga yali ye na ethimbo ewanawa lyokulonga.

Okwali a kunkilile aalongithi yokapate kongalama kawo hono opo ka pu ku longa opo yi iyuthe koomango dhomoondjila, yo ya hinge nawa unene pethimbo ndika lyomvula, oshoka okapate oka tuta nayi naantu otaya moneneko iiponga olundji, te ya indilwe ya hinge kashona ko ku vule ku yandwa iiponga.

LEAVE A REPLY

Please enter your comment!
Please enter your name here