Omukolokoshi keeshiwike a tete po ominino dhomeya gOnamugolo

0
271

KuLoide Jason

ONGWEDIVA-Kansela gwoshikandjohogololo shaMulonga moshitopolwa shaHangwena  noshowo mwene gwomukunda Onamugolo okwati  okuli a uvithwa nayi uunene komukwashigwana ngoka a teta po oopaipi dhili hetatu dhomandoloma gwopuupomba wuli uuwali ashike ota gamenwa kefamilia lye.

Erickson Ndawanifa okwa ti ye okuli ageya noonkondo oshoka ye otaka mbadhala noonkondo adhihe opo a ete ehumo komesho paantu ye ashike aantu ye oye lita yeli yonagula.

Omandoloma ota ga ulike ga tetwa noshinima sha tsa uunene ngele kashishi aniwa omukonda nena ekatana.

“ Shika oshinima tashi geyitha noonkondo shopaipi yontenga yomeya ya tetwa yo oyo tayi gandja omeya koshigwana nena ngashingeyi mboka ye yi teta oya hala nduno oku etepo  shike,” Ndawanifa a pula a handuka.

Ndawanifa okwati ngashingeyi omulumentu nguka gwepipi lyopokati okwa eta enota pomukunda oshoka omeya ngashingeyi itaga ende we nando.

Okwati omulumentu gwepipi lyopokati omweedhi gwa zako okwali a tokola opo  aningile mwene gwomukunda omatilitho noshowo oku tetagula po omandoloma gomeya ashike aniwa efamilia lye otali ti keli nawa momutse.

“ Sho nda lombwelwa ehokololo ndyka onda tokola opo ndiye ndika ninge oshigongi momukunda ngoka ashike omutamanekwa ngoka, nefamilia lye inaye yako , ashike ota ya ti aniwa omulumentu ngoka keli nawa momutse na okwali a kolwa esiku ndoka,” Ndawanifa a hokolola alililwa.

Shoka tashi tilitha nee ngashingeyiomulumentu nguka okwa Tameka oku ningila mwene gwomukunda ngoka omunkiintu omatilitho gedhipago nedhengo omanga okamwana kamwene gwomukunda eka lombwela kutya oteka kwata onkonga oshoka ka kena omulumentu pomukunda.

Kansela okwati ye okwali a lopota oshiningwanima shika kopolisi ashike omulumentu okwa mangwa po ashike no ku ethwa oshoka efamilia olya lombwela opolisi kutya keli nawa momutse.

“ Aniwa okwali a falwa koshipangelo shaapwidhi koshakati ashike okwali a lombwelwa aye kegumbo oshoka kena edhidhiliko ndyoka tali ulike kutya keli nawa momutse,” Ndawanifa ati aniwa shiikololela kuuyelele mboka a pewa .

Okwati ye okwa kumagidha woo mwene gwomukunda nefamilia lye opo ya ye ya ka patulule iipotha yomatilitho oshoka oshili sha nika oshiponga noonkondo.

Okwa tsikile ko tati kutya ye naye onga kansela okuna ehalo lyokuya kefamilia lyaangoka a yonagula ashike okuli woo atila omwenyo gwe oshoka ngashingei omulumentu nguka okwa ninga omutilithi.

LEAVE A REPLY

Please enter your comment!
Please enter your name here