Oondunge dhopaunona

0
268

“Mefalemo lyehokololo lyandje  onda ti onda nyola tango ehokololo kombinga yomulongi gwandje ngoka nda li nda hokolele meekulu. Onda li nda tondokele ku meekulu  tandi fudha muule oshowo tandi igidha, Meekulu aalongi nayo nani oha ya yi kondje. Onda mono omulongi gwandje nomeho gandje mwene. Onde mu mono tayi kiihwa, no itandi itaale kutya okwa li uuka kehala hoka aantu yomukunda muka haa kiiwatela. Onkene ondi ipula kutya okwa li ta ningi shike  mpoka. Onda yi kehala hoka   na onda mono oshinima oshinene shoka a thigi konima yomusati omunene.

Meekulu kali a fuuka kehokololo ndyoka ngame nde mu hokolele. Pehala lyotango kandali ndina   uuthemba okulandula aakuluntu. Oshitiyali onda li inaandi kotoka mokudhiladhila kutya aalongi ihaya yi kiihwa, unene sho ye li wo aantu ngaashika ashike tse. Onda popi na meekulu ndati ndele aalongi oya yela nawa, na onda dhiladhila kutya yo ihaya longo iinima mbyoka tayi nika.”

Ndjoka oyo yali onkalamwenyo yomunonakadhona gwomomukunda. Onda li ashike ndina omimvo ntano nenge hamano na  otandi dhimbulukwa oshiningwanima shika natango. Konima sho nda koko onde ke shi dhimbulula kutya hangame awike nda li ndaana ontseyo ya gwana. Aagundjuka yepipi lyandje nayo oya li woo ye na omaipulo kombinga yiinima oyindji. Otwa putuka pethimbo aanona ye na ashike okukala ye wetike ndele mbaka ihaya pulakenwa. Opwa li pena iinima oyindji mbyoka twali twaa uviteko. Maandjetu omwali ongalamaphona hisMaster’s Voice,  noongalo ndhoka odha longithwa olundji lundji. Otwa li hatu upike onane yogramaphona ndjika nomamanya. Oongalo dhimwe odha li oompu na ohadhi tatuka mbala, ihe nando ongaaka otwa li twe dhi dhana sigo otadhi tende omisa. Nando ongaaka meekulu ina nyenyeta kombinga yelongithonayi lyongelema ndjika,unene tuu sho ye ihaa pulakene oongalo ndhika.Shoka ali iitula musho osho  oku ka imba kongeleka.

Esiku limwe aamati okonyala yatetepo ongelema ndjika okumangululamo omulumentu ngoka ta imbi meni.

Oya li ya hala okutseya kutya omulumentu nguka oye olye.

Omahokololo gaana oondunge ngaashi ndika otaga vulu okuyolwa kaanona  yonena yopomimvo  dho2012,ndele momimvo ngaashi dho1950, momukunda ngaashi gwetu muka ka mwali ooradio nenge otiivii,onkene aanona mbaka otaya ka tseya nawa ngiini. Kuyo shoka shi li mondjila  osho okupatulula ongelema noku tala ngoka ta imbi  .Gumwe gwaamwamemekadhona omukuluntu okwa uvu oonkundathana dhaamati nokwe ya fatululile kutya mongelema kamwali omuntu,omusiki ndjokayuuvite oya kwatelwa moongalo . Ndhika nando odha li dha kulupa odha li natango hadhi dhanwa noku imba omusika.

Nandi fatulule kombinga yaalongi yandje pethimbo lyuunona wandje. Mbaka oya aantu ya simanekwa moshigwana. Oya li aluhe ya zala yoopala nawa,aluhe ya zala oohema noshowo ofilipusa[otie] Mokati kaambaka omwali omwamememati omukuluntu ngoka ndali ndi hole. Okwa li ha hiki  okaviolini oshowo okwa  li omwiimbi ye ishewe ohazala nawa.

Okwa li gumwe  gwaalongisikola mboka ya za megumbo lyetu. Konima omumwamemekadhona okwa ningi wo omulongisikola omukiintu gwotango mezimo lyetu.

Ye kali omuiimbi. Yalwe mofamili oya landula moompadhi dhaamwayina nokuniga aalongisikola, onkene eithano lyuulongi olya  ningi eithano lyomofamilia yaandje tu.

Mosikola yomomukunda gwetu aalongi ihaya dhenge aanona ndele oyali haya ka lopota komagumbo gaakuluntu yawo, oku ka uva kutya omolwashike omunona inaa thika kosikola.

Konima yootundi otwa li hatu yi kepya oku ka hingamo uudhila mboka hawu kala wa hala okulyapo iilya yetu.

Mepya omwali omiti odhindji dhiiyimati na otwa li hatu tonako yimwe nokulya nonando tatekulu okwa li  ha ti otuna okutegelela opo omiti dhi pye nawa, opo ihe ndhika otadhi likolwa iiyimati. Ihe aamwamemati mboka ihaaya vulika oya li haya li omalemoena, ihe uuna ya lya iiyimati mbyoka ohaya monika nuupu unene tuu omolwezimba lyiiyimati mbyoka.

Esiku limwe otwa li mepya ye omumwamememati okwa tatula enuwa enene ndyoka lyali etoye.

Tse otwe li lipo mbala,noku luudhika oohema dhetu nomeya galyo. Omwamememati omukuluntu oye eke tu hupitha opo twaa geyelwe kutatekulu .Okuyapo kwe okuza kosikola ko Augistineum okwe tu hupitha opo twaa geyelwe kaatekuli yetu.”

LEAVE A REPLY

Please enter your comment!
Please enter your name here