Oshikango Garage sha kwathele opolisi pomainda gomoondjila

0
427

KuMaria Namupala

OSHIVELO – Ngaashi haye shi ningi shito nopethimbo ndino ongeshefa yOshikango Garage natango onkene tayi gandja no ku kwathela aapolisi mboka yeli nenge taya longo pomainda gomoondjila.

Oshiwike sha piti omukuluntuwiliki gwongeshefa ndjika okwali a tumu yamwe yomaaniilonga ye, ya kafale no ku ka gandja omagano ngoka anunina aapolisi mboka. Aaniilonga mboka oyali ya fala keinda lyomoondjila kOshivelo uupakete womeya wuli omulongo mono mu kehe muna uundini womeya wuli omilongo ntatu (30) , oshowo iipakete yomayapela yili iyali.

Mwene gwongeshefa yOshikango Garage Hafeni Kandjala okwati, okwali natango a gandja iipakete yomeya noyomayapela momukokomoko gomvula nelalakano lyokukwathela aapolisi mboka taya longo no ku kwathela oshigwana pomainda gomoondjila.

Kandjala tati shino okwe shi ningi opo a kwathele aaniilonga yopolisi, ya longe nuudhiginini yo yam one kutya mokati kaanangeshefa aaNamibia omuna yamwe taye ya kwathe, no yena olune nayo komutima.

“Ngaashi nana pethimbo lyomatango omanene aapolisi yetu ohaya longo nuudhigu, oshoka ihaya mono nethimbo a vule ku kanwa omeya, oohauto odhindji unene niilonga oyindji nena omuntu atya ngawo ota kala owala iidhidhimikila enota lye sho osho twa ningi onkambadhala tu ya yambidhidhe nomiya oshowo niihape yo ya ninge ya lyatamo yanu,” Kandjala ta gwedhapo ngaaka.

Oongeshefa ndhika inadhi gandja owala omeya niihape kaapolisi ashike odhali woo dha thigi uumbapila mbono hawu tulwa komeho giihauto tayi ulike kutya hingila pongapi, nuumbapila mbuno owa nuninwa mbono haya hingi iinano iile no ku fala aantu pomahala gawo.

Oya gandja woo ethano lyomoondjila tali ulike no ku uvithako aahingi ya hinge nuukeka, yo ya ka thikithe aafalelwa komagumbo. Ayihe mbino oya gandjwa oshali nomagano koongeshefa dhOshikango garage ndhono dhina oshimpwiyu noshigwana.

Omukuluntu gosasiona yopolisi pOshivelo Insp Emilia Kamana Nangolo, pethimbo ta taambako iinima mbino okwa pandula oongeshefa ndhika , no ku ya indila ya kale no ku shi ya ningila aluhe. “Kandjala okwa longa oshilonga sha simana aaniilonga yetu ohaya longo nuudhigu shili, ayihe mwe tupe otweyi taambako, no twa pandula unene,” Nangolo tati ngaa.

Caption (Pic: Sponsered One.jpg): Omugandjimayele goongeshefa dhOshikango garage pamwe nomuniilonga omukwawo taya gandja mbika ku Insp Nangolo manga aapolisi ya talako.

LEAVE A REPLY

Please enter your comment!
Please enter your name here