Vission Boy naye a thiki mehangano lyoongalo

0
246

Ku Pinehas Nakaziko

WINDHOEK-Katoopeni Samuel, ngoka a tseyika nawa nedhina lye moongalo Vission Boy, naye osho a holoka mehangano lyoongalo, nomulyo gwoongale dhe omutoye nomupeepeka.

Vission Boy, omvalele yomOshikango ndjoka yina ashike oomvula 22, omuhikingalo ngoka omushona nokuna ondjodhi onene  okututa oongalo dhoshiNamibia pamuthika gwopombanda.  Omwiimbi gwoongalo dhoKwaito noAfro Pop, okwahokithwa okwiimba kaahikingalo ooyakwawo ngaashi Naka Blacksheep naSwartbaster.

Oongalo okwedhitameka manga ali omushona, ena ashiken oomvula 17, pamwe naDj Diddy gwomOhangwena. Ngashingeyi Vission boy otalongo pamwe na Elvo, Nel D, J Production osho woo Ndexland. “Okuhuma komeho moNamibia ngele tashiya moongalo kashishi nande oshinima oshipu, ashike owuna ashike okuundula nokukondja nuudhiginini sigo wathiki ponkatu mpoka wahala,” Vission Boy tati.

Vission Boy okwa pititha po ishewe okangalo ke hoka kedhina Helena Ya Katale, onga ehwahwameko lyoalubuma ye ndjoka tayi ka pita kuyele omvula tuuka yedhina ‘Movimento’. Moalubuma ndjika, Vission Boy otakakwathelwa ku imba kuBlacksheep, Boet, Fresh Family nooyakwawo oyendji. Vission Boy otati ndjika oyo oalubuma ta yi ka kala yadhenga mbanda noyahuma komeho. “Ngashingeyi ondathaaneka nale uuvidio utatu mboka nokuli tawu ka ulikwa kooRadio Dhomuzizimbe dhomoshilongo manga omwedhi nguka inaagupwako,” Vission Boy ta ti.

LEAVE A REPLY

Please enter your comment!
Please enter your name here