Aakulupe nayo nay a silwe oshimpwiyu momagumbo

0
271

KuMaria Namupala

ONDANGWA – Nonande aakulupe oyendji moNamibia haya kwata oshimaliwa shopenzela ndjono ya nuninwa kepangelo, momagumbo aakulupe oyo tuu mbaka otaya mono iihuna, yo yamwe ka yena esiloshimpwiyu lya gwana.

Omusita Johannes Haufiku okwali a kumagidha mboka taya lele aakulupe yo ye ya sile oshimpwiyu ya vule ku kalako ethimbo ele. Haufiku ndhino okwali e dhi popi sho a mono ompito a popithe aakwanegongalo yomOmulondo ehuliloshiwike lya piti.

“Aakulupe oyendji iimaliwa yawo yopenzela unene mboka haya kwatelwa iimaliwa yawo ihaye yi mono, oyendji momagumbo oye limo ta yasi ondjala nuutalala yo kayena ngoka te mu ningile uuwanawa, ngele owa kutha etokolo eto ende momagumbo oto mono nkene aakulupe taya mono iihuna nonkene taya hepekwa koyana,” Haufiku tati.

Okwa gwedhapo tati aakulupe oyo etungwa lya siikilila ombepo, ngele itaya silwa oshimpwiyu kapunawe ngoka teya eya sile oshimpwiyu. Iimaliwa yaakulupe inayi longithwawe pambambo, Haifioku tati epangelpo otali kambadhala opo kehe omukulupe amone uuwanawa ye a tyapule oshikuki shepangelo.

Okwa gwedhako tati aakulupe mba haya kwatelwa openzela otaya mono iihuna , iimaliwa yawo ohayi longithwapo owala koonakuyikwata nonando yeyi nuninwa. Iikulya yamwe momagumbo ihaya landawe otaya ka nwa owala omalovu.

“ Yakwetu aakulupe yetu oyo etungwa lya siikilila ombepo natu ya longele uuwanawa ngaashi yeshi tu ningile nale, natu simanekeni aakulupe oshoka oyo yetu eta poonkatu mpa tuli ando hamolwawo ando ka tupo gonale okwa tile hambelela nyokokulu ando nyoko ina valwa onkee na tu yasimaneke tse tu ya longele uuwanawa’’ ,Haufiku ta popi ngaa nomuthindo.

Okwa londodha opo kehe ngoka ta kamonika ta longitha nayi iimaliwa yaakulupe yopenzela kutya otaya ka kala ya katukilwa onkatu, teya kumagidha woo ya landele aakulupe iikulya momagumbo oshowo iizalomwa, yo taya kala taya tonatelwa nawa, no ku ningilwa shoka taya pula.

 

 

LEAVE A REPLY

Please enter your comment!
Please enter your name here