Atushe apititha oalubuma Fikama

0
241

Ku Pinehas Nakaziko

WINDHOEK-Gumwe gwomaahikingalo aashona mboka haya imbi oongalo dhoKizomba, John Namweya  atseyika nawa Atushe, osho apititha oalubuma ye Ontitano yedhina Fikama.

Oalubuma ndjika yAtushe oyina ehwata lyoongalo 12, moka konyala ashike dhina omulyo gwoKizomba tagu inyenge nawa. Atushe okwati oongalo dhomoalubuma ye ompe omwakwatelwa dhoka dhonale mwolwa aayambidhidhi ye yakala tayidhipula. Oalubuma otayi tanga woo iilonga ngaashi mokangalo hoka okatiyali kalukilwa oalubuma takati Fikama, wulonge. Mokangalo muka Atushe otakwathelwa kuAvozinha, okakadhona hoka ha ka imbi edhina lyoshingoli lela.

Moalubuma okwakwathelwa ishewe ku4X4 Too Much Power, Mana, Kavandje, Exit, Vuuyo, 777 naLinda. Atushe okwati inashimupula nana ethimbo ele okuninga oalubuma ashike okwali ahala ashike eyitule uunyanga wagwana, opo aaholi naayambidhidhi yoongale yedhipande. Atushe okwa za omwiimbi nale manga ali omushona lela, moondjimbo nomoongeleka. Oalubuma ye ompe otayi tungu notayilongo oshigwana, unene tuu omapipi ngoka omashona opo gathikame, gwo gatale shoka taga ningi, monakuyiwa.

Atushe oye ngoka ali asindana omapapa ogendji ngele tashiya moongalo okuza mo2004 moka oye omuhikingalo ena okavidio dhingi, mo2011 no 2012 moka asindana onga omuhikingalo ha imbi oongalo dhingi dhoKizomba. Ngashingeyi atushe ota pula komeho ye ita sholola.

LEAVE A REPLY

Please enter your comment!
Please enter your name here