Blatter a pandula Muinjo ta tambula ko Mbidi

0
295

Komutoolinghundana

WINDHOEK – Presidente woFIFA  Sepp Blatter oo natango eli moshipyu, okwa pandula omupresidente kwali woNamibia FOotbal Association (NFA) John Muinjo  konima eshi kwa popiwa ehokololi liwa kutya okwa wilika nawa etanga.

Omulele wo FIFA oo ta fininikwa kolutu loEuropean Union okwa kufa yoo omhito opo a tambule ko omupelesidende mupe woNFA Frans Mbidi.

Blatter ta ti; “Onda hala kutuma etumwalaka lomholo nolomahalelo mawa mewiliko  liwa nokelongekido liwa lomahoololo omupresidente mupe”. Ta weda po kutya, ewiliko laMbidi otali fikifa Namibia keenghatu dokomesho.

“Owino nomaukwatya oye, oo a fimana taa ti sha kouwa nexume ko lomaudano taa danaukwa moshilongo. Opo u hange elalakano eli, oto dulu ku likwatelela komayambidido okwaamen nokwaao taa di kehangano loFIFA. Pamwe nospana yoye onde mu halela elao, eenghono,mu finde omashongo keshe tae ya po nonde lineekela ohatu monafana diva” Blatter ta tumbula momushangwa.

President woConfederation of African Football (AF) Issa Hayatou naye okwa shangela Mbidi noilyo 11 yokomittee omhitifi tava kwatele komesho olutu oluwiliki loNFA eedula ne komesho.

“Onde mu halela omayambeko mokuhoolola omupresidente woNamibain Footbal Association pamwe nomupedu president  wotete a hololwa ,Naftal Ngalangi nomupedu president  omutivali Croocks Nunuheb noilyo yoo yokomittee omhitifi yoNFA”.

President woCAF okwa holola eineekelo loCAF mewiliko laMbidi kutya otali yambula po oudano wetanga moNamibia; “CAF oi na eineekelo kutya, eshiivo newiliko loye oli li ouwa kuNamibia nokenenedu Africa alishe”.

Hayatou ta halele Mbidi nolutu oluwiliki lopombada omholo iwa mewiliko, te li kwashilipaleke kombinga yeyambidido loCofederation mokundjeka po etanga lokeemhadi moshilongo.

Ponhele yehangano letanga koSouth Africa, Dr Danny Jordaan woSouth African  Football Association (SAFA) naye okwa djoina ongudu yaavo vahalela Mbidi elao. “Otwe ku halela elao  mokuninga omuopresidente wetanga lokeemhansdi moNamibia. Ekalo loye mombelewa to wilike, otali yambula po etanga moshilongo sheni nokenenedu.

Jordaan ta kwashilipaleke Mbidi newiliko lipe loSAFA kutya, elongelokumwe  pokatikavo onghee tali twikile moule weedula dewiliko.

LEAVE A REPLY

Please enter your comment!
Please enter your name here