Golden Bigs a kutha ko Young Chiefs kombanda yoliha

0
217

KuShipi Elago

UUKWANGULA-Osipana  yetanga lyokoompadhi yoGolden Bigs oyili ngashingeyi komeho go Young Chiefs momusholondondo gwo Norh First Divison konima sho yali ya ilikolele iitsa yili ihamano mehuulilo shiwike lyaziko.

Golden Bigs okwa kuthapo ehala lyoYoung Chiefs ndjoka yakala kombanda yoshi taafula ethimbo nuule, sho Chiefs ali andopa okusindana uudhano we awuhe wehuulilo shiwike.

Golden Bigs okwali eshi tompola okudhenaga Unam Ogongo 1-0 muudhano we uutiyali okwali adhenge Onambula United 3-1.

Young Chiefs ngoka ali a mbendekwa iitsa itatu mOlyomakaya sho Robber Chanties yali inayi holoka, oya dhana shithike pamwe no Golden Bees 2-2 mOsoondaha.

Mongashiingey Golden Bigs oyili yapita komeho niitsa yili 24 omanga Young Chiefs eya puutiyali niitsa 23 nongele Bigs okwa okwa sindanapo uudhano we ehuulilo shiwike ndika nena otakaly Okrismas eli kombanda yoliha.

Muudhano uukwawo KK Palace okwali adhana shithike pamwe na Unam Ogongo 0-0 mOlyomakaya ye ta ithigi othika 1-1 nOnambula United mosoondaha.

Young star okuli ta nana nondatu sho konima sho ali adhengwa 3-1 ko Golden Bees, ye tamono ashike oshitsa shimwe sho adhanene no Robber Chanties shithike pamwe 2-2 mosoondaha.

Oosipana dhoshitopolwa shaMusati odhili natango monkugo yina onkambe sho uupale wawo natongo wuli kohi yomeya na oyeli yakanitha ompito yokudhanena megumbo.

LEAVE A REPLY

Please enter your comment!
Please enter your name here