GwUudhila a pakwa kengathithi enene     

0
211

KuMaria Namupala

UUYOKA- Omukulupe gwoomvula 109 ngoka a manene oondjenda dhe mepipi lyuukulupe lela okwali a pakwa mOlyomakaya ga piti kuziilila megongalo lyawo Omulondo.

Liina Udhila ngoka a tseyika nawa koyendji yopomudhingoloko ngoka nedhina GwaaUdhila , okwa manene oondjenda dhe momasiku gane gomwedhi nguka. GwaaUdhila okwa valelwa momukunda Iihongo gu li moshitopolwa shaShikoto nokwa putukile mUuyoka mOmulondo.

Ngoka a popi peha lyaatekulu ya gwUdhila Samuel Amukambo okwati yo otaya pandula Kalunga ngoka a yambeke kuku gwawo sigo ta kala kombanda yevi sigo omuukulupe womutoko  hono tati oyendji ina ya vula kuthikako oshoka oya mana oondjenda mepipi lyuugundjuka.

Amukambo okwali a tsu omukumo aagundjuka ya kuthe oshiholelwa oshiwanawa ku GwaaUdhila ngono a simaneke iipango omulongo ya Kalunga no ku yi gwanithapo. GwaaUdhila ota hokololwa koyendji kutya okwali omutili kalunga no kwali ena hole aantu no ku ya simaneka shit hike pamwe.

“Kuku gwetu kali ena omukuluntu nomushona aantu ayehe okwali heya longele uuwanawa shit hike pamwe, nonande ka tumu nawe ngeyi otatu pandula oshoka okwetu thigila oshindji, oondunge nuunongo otwa yama muye no kwe tu tekulila ombepo yuukriste ndjoka tse tatu ende muyo,” Amukambo ta gwedhapo ngaaka.

Engathithi lyaalilasa yaza koombinga noombinga olyali lya holoka opo li thindikile GwaaUdhila , oyendji oye mu tanga no ku musimaneka omolwa iilonga ye mbyono a longo. GwaaUdhila okwa kala no ku kumagidha oyana oshowo aatekulu opo anuwa ya kale nombili yo ya kale no ku holathana, yo taya simaneke omushiti , yo ya kale nelago nomwenyo omule kombanda yevi.

“Otundji itatu ka thikako koomvula ndhoka onkee ondi wete oshagwana meme okwa longa nOmuwa yemwene okwa mono kutya meme okwa longako she onkee naka vululukwe nombili, kandiwete nokuli twa pumbwa okulila tatu teyapo omitima dhetu otwa pumbwa owala shila oku pandula kalunga sho a yambeka meme gwetu sigo omepipi lyuukokele elela,” Oyana taya ti ngaaka.

GwaaUdhila okwa thigiko nee oyana yane,aatekulu 32,aatekulululwa 82 nuutekululululwa 14. Aakuluntu ye naamwayina ayehe oya tetekela nale

LEAVE A REPLY

Please enter your comment!
Please enter your name here