Jocksman, noongalo dhoHip Hop

0
212

Ku Pinehas Nakaziko

WINDHOEK-Omugundjuka mokwiimba oongalo dho Hip Hop, Jonas Nakambale, atseyika nawa nedhina Jocksman, osho aholoka mehangano lyoongalo noshitalenti she shoku imba oongalo dhoHip Hop.

Ekandangala lyombandje ndoka lyili lyeshigamena moSwakopmund nolyavalelwa momukunda Uukwangula, ookilometa 10 muumbugantu wa Oshakati okwati ye okwakokela ashike onga okamentu komomukunda ngaashi aalumentu ooyakwawo, taalitha oongombe niikombo. Uutoye woongalo dhe owali wakoko oomvula omulongo dhakapita, nonando kali eshi mpa ta tameke okutula oshitalenti she pomuthika gwopombanda.

Jocksman okwati nonando kali naana eshi shoka ta ningi pethimbo ndiyaka lyetameko,  oku imba okwali ekuhokithwa kaahikingalo ngaashi Eminem, Nas, Lil Wayne, Jay-Z, The dogg, Gazza nooyakwawo oyendji. “Okwali nda tala kaahikingalo mbaka naashoka yamona mokukala kwawo moongalo. Omvula 2011 opo ndaholoka nokavidio kedhina “Bring it on”, hoka ka kala takadhana koNBC olundji,” Jocksman tati ngaaka.  Okwagwedhapo tati, konima yokangalo hoka okwakala nee taningi omayimbilo ogendji  sigo opetameko lyo2014, moka aka imba nokupititha okangalo  “Keumbo”, takwathelwa kuKanibal. Keumbo oko okangalo hoka ka egulula omiyelo dhe odhindji nokali ka imbwa shinene koradio ngaashiEnergy100, FreshFM, WestcoastFM noBaseFM. “Okwali ihe ndatameke no ku ninga omusholondondo gwoongalo dhandje  gwedhina “Unrecognised Greatness”, gwapititle omasiku hamale.

Oalubuma ndjika oyali ya tseyithwa nokuulikwa moSwakopmund, mehala lyoInfinity Lounge. Oalubuma oyina oongalo 18 nokwakwathelwa komadhina omanene ngaashi kuKanibal naLil D. Okwakwathelwa ishewe kuOdie, shago, Johra, Princeton nChrislizy.  “Onda longa naaningi yomikwelengendjo ngaashi Kash, Keleleni Thomas okuza moSwakopmund ngoka atula kumwe oalubuma ayihe. Ondakambadhala ihe okuluka oalubuma yandje Unrecognised Greatness oshoka otayihokolola nkene eli uuvite onga omuhikingalo omushona,” Jocksman tati ngaaka.

LEAVE A REPLY

Please enter your comment!
Please enter your name here