Meya wodoolopa yaEenhana Julia Shikongo a hoololululwa

0
201

KuClemens Tashaya

EENHANA – Eshi kwa  ningwa omahololo ovanambelewa ovawiliki   vomudo 2015 melelelo lodoolopa yaEenhana, kansela Julia Shikongo okwa hoololululwa. Eunike Shonena, natango oku li ponhele yaye onga omupedu wameya nomupedunashipundi welelelo lodoolopa omanga Leonard Jana natango oye omuponhelenashipundi wokomitee owiliki. Ester Ndapwa  Kavela natango oye omupedunashipundi wokomitee owiliki yee Hosea Andreas oshilyo shomhilamheno shongudu yoRDP mokomitee owiliki voo naOlivia Hanghuwo .

Ovanambelewa mewiliko lodoolopa Eenhana ova anifilwa oshilonga kumangestrata Isabella Mutiba.

Metambule ko loshilonga eshi a hoololululwa, meya okwa ti ota udaneke kulongela kumwe novakwashiwana aveshe, eekansela adishe va dule kuxwepopeka omukalo weyakulo modoolopa.

“Ohandi ane ne oshilonga eshi neineekelo kutya, ohai ka longa moukumwe novawiliki aveshe melelo lodoolopa shihe na kutya owongudu yopolitika ilipi po, omolwa ouwa wovaEenhana aveshe nohandi longo noudiinini moukumwe noshiwana,” osho a denga omufindo.

Ta weda po kutya,  odoolopa oya kondekwa komashongo onghalo yokuhe na oilonga nedu inali longekidwa nota ningi eengheendabala dekandule po lomukundu okuptila moshiwana nomovawiliki.

Omuwiliki wodoolopa  Julia Shikongo, okwa udaneka  kutya eekansela  odi na ku longa oilonga yado nokuwanifa po oinakuwanifwa  yeyandjo leyakulo koshiwana, okutala eemhumbwe dovanangeshefa .

Ehoololo lovanambelewa ovawiliki ola ningwa pauufo lokatendo okati 11 (2) (a) 11(4 ) koveta yomalelo opaitukulwa  onhi-23 yomudo 1992.

LEAVE A REPLY

Please enter your comment!
Please enter your name here