NNCI koNooli ya ninga oshivilo shepandulo lovaleli

0
167

KuHelvy Shaanika

Namibia Chamber of Commerce and Industry (NCCI), oshivike eshi oya ninga oshivilo sholupandu kovanangeshefa pamwe newiliko loitukulwa yokonooli.

Omunashipundi woNCCI koitukulwa yokolundume loshilongo Tomas Indji , okwa ti, oitai yehangano lovanangeshefa kombinga yokonooli alishe oye li longekida kuxwepopeka onghalo yomalandifilo  momudingonoko pakuninga nawa oilyo yalo.

Indji okwa pandula oilyo yehangano loNCCI te I fatululile efimano loukwashilyo kutya,  I kwatele po ehangano omolwaasho oukwashilyo woitukulwa yokonooli u li nawa paife.

“Out li po omolwoye, tu uditile etumba ei twa pondola  ponhele yoye onghee otwa pandula eineekelo wa tula mufye tu longe ponhele yoye. Otwa twikwa oshinakuwanifwa sha fimana komapepe nokukwashilipala kutya, ewi loye otali udika paendodo da yooloka mepangelo”, Indji ta tumbula.

Pefimbo opo tuu opo omunashipundi woNCCI koitukulwa yokonooli, okwa  halela omholo iwa  omuprima Dr. Hage Geingob a teelela ku anifilwa oshilongo shoupresidente moNamibia, ta halele vali elao oilyo ya hoololwa I ka longe momutumba wopashiwana.

“Oshiwana oshi ineekela Dr. Geingob nongudu yoSwapo mokuwilika nawa eliko loshilongo. Fye kehangano lovanangeshefa, otu na eineekelo momafaneko aye e lile po onakwiiwa yaNamibia notwe li longekida okulonga moukumwe nepangelo laye,” Indiji ta yelifa.

LEAVE A REPLY

Please enter your comment!
Please enter your name here