OKrismesa na yi ka le yayambekwa nOmumvo omupe gwelago

0
185

Omumvo 2014 ogwa li omumvo omwaanawa notau hokitha lela kuKundana. Aaleshi yaKundana oya indjipala, notwali wo twa nyanyudhwa komapopyo ngoka getu kumike opo tu longe nuudhiginini. Otwa gwanithile omvula yimwe muAuguste.

Aaleshi yaKundana oya pita paantu 20,000 kehe oshiwike. Kundana oye paife oshifo oshinene shoka hashi nyanyangidhwa koshiwike. Shika otwe shi pondola omolwa oonkondo dhazi kuKalunga, nomolwa eyambidhidho netaambeko lyaaleshi yaKundana mboka kehe oshiwike ha ya lesha oshifo shika shoshigwana. Ota tu ti pandu pandu shigwana.

Mpaka natu taleni pamwe omahokololo twe ga nyola naangoka ga nyanyangidhwa omvula ndjika oshowo iiningwanima yimwe yasimana yaningwa moNamibia momvula 2014.

Tango natu tameke nopolitika moshilongo, moka omvula yonuuvo yetu etela etegameno, okuka mona omupelesidente omupe noshowo iilyo yegumbo lyopashigwana oyindji iipe. Ngaashi naana atuhe twe shi ndhidhilike, ngoka eli omupilima gwoshilongo Dr. Hage Geingob opamwe nongundu tayi pangele yoSwapo, oya sinda na omawi ogendji, shoka sha etitha opo a kale omutegelelwa presidende gwoshilongo.

Omolwa esindano ndika noshowo oshizemo okuzilila momutumba omunene gwaSwapo ngoka gwa tseyika nawa noshilukadhina ‘Ombiga yaSwapo’, moparliamente mo2015 otamu ka monika iipala iipe omanga oyindji iikulu twe yi mono mo okuza mo 1990, ina yi vula okuza mo mombiga.

Omvula ita yi vulu okupita po ina tu dhimbulukitha aaleshi yetu nkene oongudu dhimwe dha lungwinine mombiga yopolitika. Moongundu moka omwa kwatelwa ongundu yo CoD ndjoka ethimbo limwe ya li nokuli oyo ongundu yompilameno yopambelewa, ndjoka nuuvo ya kanitha iipundi ayihe mo paliamente. O RDP ndyoka uule woomvula omulongo dhaka pita oyo ya li ta yi tyakaleke koompilameno adhihe nayo oya kanitha woo ehala ndjoka, sho ya mono uupundi owala utatu, noya pingenwa po ko DTA, ndjoka oomvula odhindji ya kala ta yi nana nondatu. Ongundo yo NEFF, ndjoka yali ya talika ko yafa tayi endelele, oya yaalelele kohi yombiga omanga omulilo gwopolitika inaagu tema sho yiimonene mo ashike omawi gevulithe po 2000.

Oshizemo shomahogololo osha etele aatseyinawa mopolitika eikwato pomutima omolwa iipundi oyindji ya sindanwa koSwapo, taya ti kutya shika ota shi vulu okueta opaati yimwe yikale yina oonkondo sha pitilila, noompilameno ita dhi ka kala dhina ewi, naashika otashi ka ya uudemokoli moshipala.

Kakele kopolitika meyukililo, Kundana okwa tala woo moshinima sha Muni gwaWindhoek, moka ngoka ali Meya a shangwa kiifo oyindji moshilonga molwaashika a pula aanambelewa ya gandje evi komusindani wa Big Brother Dillish Mathew oshoka anuwa ye okwiikalekelwa moshigwana. Aakwashigwana oyendji oya nyeyeta oshinima shika moka mwa kwatelwa aagundjuka yevule po 15 000, mewiliko lya Job Amupanda mboka ya holola omadhiladhilo nokutula mo omaindilo opo ya pewe omavi.

Moku popya Job Amupanda, ota tu dhimbuluka nkene omugundjuka nguka a hulwa ombadi yuugandjimulombo mewawa lyaagundjuka lyoSwapo ano o Swapo Youth League, komitse dhongundu moka mwa kwatelwa Amushanga Ndjayi Nangolo Mbumba.

Mbumba konima yomasiku, sho Amupanda a kuthwa oshipundi naye woo okwiiyadha ombinga yapuka yoonkundana, sho a ula engathithi enene kokapale ka Sam Nujoma koWindhoek ta ti “Hakeleni omake vafyeena-nye!

Iinima oyindji ya kwatela omukuluntu gwa NHE Vincent Hailulu, Omunashipundi gwa NDC John Nekwaya, elelo lyoNdoolopa Okahandja nosho wo Kansela gwaShikango Phillep Namundjebo mboka ya dhengwa nelaka komupresidente omolwa omapuko egamono momahala nenge miilonga ye yiinekelelwa kepangelo.

“Omumvo nongola!” osho gwonale a tile.

Natu ka tsakaneni ishewe ko 2015. Okrismesa nai yambekwe, omumvo omupe nagukale guna elago.

 

LEAVE A REPLY

Please enter your comment!
Please enter your name here