Omukiintu a teyagula po ongandjo yegumbo lyayina

0
182

KuLoide Jason

ONGWEDIVA – Toivo Hainghumbi omugundjuka gwepipi lyopokati ngoka omupolisi okuli monkugo yina onkambe sho omwainakadhona omupangi, Maria Shaninga, a hanagula po ohofa ye yekuma ndjoka a tunga aniwa pehala lyoohauto megumbo.

Shaninga ngoka ena egumbo lye komukunda gwedhina Omatelekela  kOmbalantu nomusamane gwe aniwa okweya kooyina komukunda gwedhina Ondjengo, oshiwike shaziko, na okwa tokola opo aniwa a hanagule po olugumbo lwegumbo lyekuma ndyoka lya tungwa po kumwayinamati ngoka oye onkelo yawo.

Hainghumbi ngoka eli omukaleki po gombili nelandulathano moshilongo onkee ngaa a ninga omasiku talilile komwenyo oshoka mumwayina okwa teyagula po ekuma lye ndyoka tati kutya olye mupula ondili nethimbo okuli thikameka po.

“Ngame mwene manga inandi tameka okutunga ongendjo yage onda popya nameme oshoka oye a penge egumbo oshoka ongaye onkelo, ashike meme okwa zimina opo ndituleko ongendjo ndjoka ashike kandishi nee kutya oshike sha etitha opo mumwameme nguka a teya gula po ekuma lyandje,” Haingumbi ati ngaaka.

Hainghumbi okwati ye namwayina inaya kala yena oontamanana ashike keshi kutya omolwashike ena oku yonagula po ekuma lye ngaaka omanga ali eli mondjila yokuli mana.

Ashike Shaningwa ngoka keshi omupe mokuhangula po iinima yaantu okwati kutya ye ekuma okwe li hanagula po oshoka olya tungwa pokuma mpoka ha pu ende oohauto dhawo ngele taye ya kegumbo oku talela po yina .

“Oshinima shiya kashishi ekuma shiya ka, oshinima shiya ka oshinima ashike showala shili mpo, na onda tokola ashike ndishiteye po oshoka otashi monitha nayi egumbo. Egumbo ndiyaka olya meme Hainghumbi otaka pewa egumbo ngiini omanga meme eli momwenyo?” Shaninga ati ngaaka.

Shaninga omvula ya zako okwali moKundana shinasha nondjokana ye tayi tengauka sho aniwa oosuwala ye ya tameka okumuyuga omaliko omanga omusamane gwe ngoka ya hombola naye eli kosikola yopombanda koRussia hoka eli ta ilongele uundohotola.

Aahokololi yonawa oya lombwele woo Kundana kutya ngashingeyi  Shaninga okuna oshipotha ngashingeyi eshipatulililwa oshoka okwa ta tagula po okapomba koosuwala she komeya.

Ashike shoka tashi nywitha omatsi ngashingeyi ooshoka kutya Shaninga okuli megumbo oye awike omanga omusamane gwe ashuna moohe molwa aniwa oombepo dhe dhanyata.

Nonando ongaaka mwayina okwati ye itemuningile sha ashike otka mbadhala ashike a zemo megumbo moka a kaninge lye opo kaa kale nonkalamwenyo ye yamangwa .

LEAVE A REPLY

Please enter your comment!
Please enter your name here