Omumvo gwonuumvo kwali hwangu

0
264

ONGWEDIVA – Nonado omumvo gwonuumvo ogwa endeela gwafa epeya onkee ngaa gwali gwa udha iikumitha longa, mbyoka itayi thigi omuntu omutumba.

Sho opo owala oshilonga sha dhimbulaka eshiku lyuuthemba gomuntu natu kuthe okampito haka opo tu nyanyangidhe yimwe yomiipwe niikulumanene ya longwa nuuvo okuyonagula uuthemba gomuntu, noya holokele moshifo shika.

Mwaambyoka tayi zitha omahwilili tayi vulu okudhimbiwa omwa kwatelwa oshinima oshinenenene shoka sha etwa puuyelele kuKundana muOkotoba nuumvo sho omukuukadhi gwomimvo 44 a iyutha kelombwelo lomusamene gwe opo a pandeke uumwanagona nomalyenge wafa iinamwenyo, ye ta yi kokefe nokanona ke mwene a kamwe omalovu.

Shika okwa hokololwa kutya oshali sha monika mo sho iilyo yaapolisi yomomukunda momukunda gwedhina Okapuku mOndonga sho ya yiitsu okanona koomvula ne ka pandekelwa momalyenge, ka kalelwa kukakwao koomvula mbali, megumbo lyili momukunda moka.

Uunona anuwa ohe u thigi po kauna nando iikulya nenge omeya gokunwa, nando ona kele ta galuka ko kuundingosho uusiku uthike peni.

Oshinima shika oshali sha lopotelwa opolisi yomOmuthiya oshiwike sha ziko, kelyenge lyaakiintu naalumentu mboka haya kondjitha iimbuluma, nomukiintu nguka okwali a kwatwa po, ihe okwa ka mangululwa konima yethimbo.

Ta ku hokololwa kutya hono kena oomvula ne oha thigi eka manga mokugulu nelyenge lyuule woometa mbali lwaampoka lya pandekelwa moshiti, e ta pata elyenge ndyoka nekumba.

Uunona anuwa owa hokololele aanambelewa kutya omathimbo galwe auhe oha u pandekwa, na yina oludji oha tokelwa kuundingoshi sigo omokati kuusiku.

Pamapulapulo omukiintu nguno okwatile ye mwene halyo ando elalakano opo a kale ta thigi a manga okanona hoka nelyenge pompando, otati uunona ihauka uvuko, nomolwa uutsini nomusaane gwe ngoka eli mwene gwegumbo okwa tula po ompango opo ngele megumbo taya zimo ya kale haya thigi yeupandeka kaaka kadhane iinima megumbo, na kuyo shika kasha li omahepeko.

Momvumvo ogo tuu nguka omwaningwa woo iikumithalonga mbyoka yali ya longelwa aakadhona kuhekulu nomukadhi mboka ya kundathana nokulanditha po ka kwatwe koonkondo komulupe, koshimaliwa shi thike po N$100.

Okakadhona haka komimvo 22 okali ashike katumwa ka kataleko onyama ya tumwa okuza kuushimba ashike he omumwayina gwahe okweka heke opo ya ka landithepo onyama ndjoka.

Ashike shoka tashi kumwitha ooshoka kutya he oye tuu ngoka okwali a lombwele okanona kutya  aniwa okena oku lalwa po komusamene gwomimvo omilongo 62 ngoka aniwa aninga ethimbo nuule kena omukiintu.

Sho iiningwanima ta yi ningwa oku yonagula uuthemba gwomuntu unene tuu gwaanona naakiintu, muNovemba mwene gwomukunda gumwe melelo lyaNdonga  okwa longo iilonga yi kumitha sho anuwa a simbapaleke noku valitha okanona koskola koomvula 16.

Pakotampango lyoshilongo oku ya miixulo nokanona komivo 16 nenge okashona osha talika ko osho ekwatonkonga.

Konzo ndjono ya gandja uuyelele oya holola kutya, omukulupe nguka gwoomvula 62, ngono eli mwene gwomukunda nokuli woo amushanga gwehale lyuuwa otaku fekelwan a kala ha yi miihulo nokanona kosikola hono a mitike nongashingeyi okanona haka okena okanona koomwedhi ndatu.

Okanona oka hokolola kutya omukulupe nguka okwa kala hayi naye miihulo, ha longitha omukalo gwokumuheka noku mu ningila omatilitho omadhigu. Anuwa limwe lyomomasiku okwali emu kuthile ondjembo sho ali a tindi aye naye miihulo.

Kakake kwaambika, Kundana ota dhimbulukwa oo oshiningwanima tashi nikatha oluhodhi moka omukadhona omugundjika lela Hileni Pena Endjambi (23), ngoka e li omunasikola koshiputudhilo shopombanda Internationa University of Management (IUM) kOngwediva, ali a itsuwa a mana oondjenda dhe sho anuwa iiyaha nondjembo.

Endjambi okwali ti ilongo momvula ontiyali.

Otaku fekelwa kutya endjambi okwa longitha ondjembo yomumwayinamati.

 

Kundana ota halele aaleshi ye noshigwana ashihe omvula 2015 elago, opo yikale omvula yelunduluko mokusimaneka uuthemba gwomuntu nomaso unene tuu gaagundjula ga kale ga shonopala.

LEAVE A REPLY

Please enter your comment!
Please enter your name here