Omvula onene ya loko mOmusati

0
274

By Nuusita Ashipala

ONGWEDIVA-Nonando omvula onenene ndyoka yali ya loko moshitopolwa shamusati otayi vulu okuhupitha iimuna mbyono ya adhika ya dhengwa koshikukuta, aanafaalama oyena etumwaumbile kutya eteyo lyayo olili moshiponga.

Omvula ndyono ya li ya loko momasiku moDesemba 10 inaayi mwena po sigo okomatango gesiku lya landula ko ano Desemba 11 oya thigi oyendyi momeya.

Aanafaalama oya li holola kutya omvula onayi  keeyetela wo ondyala molwaashoka ina ya mona nale omvula onene yi thike mpoka mu December.

Titus Kanyele ngoka eli Kansela gwoshikandjohogololo Onesi shono shali woo sha mono omvula onene okwati ina mona nale omvula onene yi thike mpoka monkalamwenyo ye.

“Inandi mona nale omvula yi na omeya ta ga tondoka mu December monkalamwenyo yandye,” Kanyele ta hokolola ngaaka.

Aanafaalama mbono yali ya holola onkumwe yomvula onene petameke lyaDecemba oyat i oyena uutile kutya iilya yawo otayi lyatelwa mevi komvula.

Gumwe okwa hokolola kutya megumbo lye omeya otaga fuluka mevi nogeli taga thenene po omashisha ge ga gwile pevi niilya yago.

“Tse otuli momeya gamememe taga fuluka owala mevi, mpa wutye mbela othithiya,” omukulupe ngoka iiholola onga Absai ta hokolola nonkumwe.

Nonando ongawo kansela okwali a holola kutya omvula oyeetelela oohi nokwakunkilile mbono taya kwata oohi ye dhi kwate pomahala mpoka ye shinawa ya yande okugwila momeya.

Okwa kunkilile woo aakwashigwana ya yande okuthiga uunona uushona momagumbo oshoka omagumbo oga kundukidhwa komeya.

Na uunenene Kanyele okwa kunkilile aahingi ya hinge nawa unene tuu koondyila dhuungalamo. Okwa holola kutya uundyila owuna omalambo nowa pumbwa omuntu ta hingi nuukeka.

Ngoloneya goshitopolwa shamusati Sofia Shaningwa okwati aantu mbono tayii yadha ya thiminikwa komeya naya kwata thane noombelewa dhookansela oshowo nombelewa ye opo ya mone omakwatho.

LEAVE A REPLY

Please enter your comment!
Please enter your name here