Nono a sindana po ekopi lyomuhikingalo dhingi mo065 AMA

0
240

KuPinehas Nakaziko

ONGWEDIVA-Omuhikingalo omushona ngoka ena omagano gokwiimba  gwedhina  Petrus Iilonga a tseyika nawa  Nono oye a sindana onga omuhikingalo dhingi methigathano lyomagandjo gomakopi kaahikingalo yo monooli nokangalo Inandikwaala.

Ethigathano ndika lyo 065 AMA olyali lyaningwa pehulilo lyaDesemba 2014 mOngwediva, poSam Nujoma Multi Purpose Centre.

Omusindani ngoka ali a sindana omapapa ogendji oD-Square, ngoka a sindana muucategoli uyali  woAfro Pop noKwaito.  D-Square okwa li a sindana nuungalo ngaashi Milky Chocolate naYaandjiiyela.

Polo Saara okwali a sindana ekopi lyokangalo hoka ka kala taka dhana onkandangala momukokomoko gwomvula kedhina Africa. Okangalo  Meme, hoka ka dhanwa kuPro Boy oka li kasindana ishewe onga kamwe komuuvidio dhingi.

Aahikingalo ooyakwawo ngaashi Hilifa okwa sindanapo ekopi lyomuhikingalo dhingi gwoongalo dho Hip hop, Dj Quality okwa sindana onga omudhengi gwiikwelengendjo dhingi, Active K a sindana onga omuhikingalo dhingi gwoongalo dhopambepo, Pollen B omuhikingalo dhingi gwoongalo dhopamuthigululwakalo, Dennis Jicksa a sindana onga omwiimbi gwiitya dhingi, omanga Fame Gangs yasindanapo onga ongundu dhingi.

Gumwe gwomaayetipo yo 065 AMA, Success Da Silva okwa ti sigo oompaka otaya longo nuudhiginini ya ninge ethigathano ndika li kale lya dhengambanda.  “065 AMA oya endele nawa, no twa li twa pandula aahikingalo 12.  Otuuvite uuntsa nuugumbo , no ta tu pandula aahikingalo ayehe mboka ya li ya kutha ombinga,” Da Silva ta ti.

Oshituthi oshali sha kwathelwa koTulinanene Investments CC, Cecilie Kamati, Michael Amushelelo, Team Da Silva Modeling Foundation,Wiseman Anyala Business Consultant Services, Rugh Beat Trading CC, Moon walk Bar, Turning Point Namibia noBeyond Beauty.

LEAVE A REPLY

Please enter your comment!
Please enter your name here