Omumvo gwa tameke nomakwatonkonga ogendji

0
241

KuNuusita Ashipala

ONGWEDIVA – Omumvo nguka ogwa tameke niiningwanima oyindji yoonkundana dhe kwatonkonga dha uvika  miitopolwa yokuumbangalantu oyindji.Oonkundana dhomakwatonkonga ga indjipala odha uvika meni lyomasiku gaheyali gopetameko lyomumvo nguka.

Iiningwanima itatu oya kundanekwa ya ningwa moshitopolwa Oshikoto, iyali oya lopotwa moshitopolwa Omusati moka shimwe shaambika shaningilwa omunona omushona omanga oshikwawo osha ningilwa omukiintu a fa inaa pwa nawa momadhiladhilo.

Pahokololo lyopolisi omukadhona gwomimvo 16 okwa kwatwa koonkondo komuniilonga gwomegumbo, ngoka ha longo megumbo lya yinakulu pomukunda Oshitukathitu moshikandjohogololo Outapi. Oshiningwanima shika osha ningilwe Osoondaha ya ziko.

Omupopiliko gwopolisi mOmusati, Warrant, Lineekela Shikongo okwa ti oshingwanima anuwa osha ningwa konima yethimbo lyomwiha  pethimbo omukadhona nguka a li megumbo pamwe na yinakulu.

“Omukadhona okwa li megumbo oye awike pamwe na yinakulu, omanga omukulukadhi gulwe gwomegumbo moka a li a pitimo,’ osho Shikongo a fatulula.

Otaku hokololwa kutya omuniilonga gwomegumbo ngoka opo ashike a tameke iilonga megumbo ndyoka momasiku gatatu gomwedhi nguka okwa ithana omukadhona ngoka.Omukadhona sho a thiki mpoka pwali naku mu ithana, omu ithani gwe anuwa okwe mu hilile mondunda ye  nokwe mu hula oonguwo dhe koonkondo noku mu lala komanganga.

Shikongo okwa londodha aakuluntu oshowo aatonateli yaanona ya yande okuthiga aanona naatekulu yawo miikaha yaaniilonga, unene tuu uuna mbaka opo ashike ya tameke iilonga.Okwa kumagidha wo aakuluntu opo ya pukulule aanona yaa kale taya hedha popepi noondunda dhaalumentu opo iiningwanima ngaa shoka yi yandwe.

Omufekelwa ngoka inaa tumbulwa kedhina omanga inaa holoka mompangu ya mangestrata okwa zile komukunda Okapa moshikandjohogololo Ruacana.

Omukadhona okwa li metalelopo kooyinakulu pethimbo ndika lyefudho lyosikola sho oshinima shoka shaningwa.

Moshitopolwa tuu shaMusati moka omukiintu gwomimvo 30 kee li nawa momadhiladhilo , okwa kwatwa koonkondo puundingosho Okandjambwena momukunda Oshifashembungu mooSoondaha.

Pahokololo lyopolisi , omukiintu nguka okwa li taya nu omalovu omanga inaa zapo e ki iwatele konima yokandingosho kamwe.

Omanga a li anuwa ta talaleke konima yuundingosho omulumentu gumwe ngoka a li wo, ta nu omalovu nomukiintu ngoka okwe ya puye noku mu hilila miihwa. Okwe mukwatelemo anuwa komatha, nokwe mu thigi moka konima yoku mu longela omuyonena ngoka.

“Okwe mu kwata kenganga  nokwe mu thigi pehala mpoka osho,” Shikongo a hokolola.

Omukiintu sho a galukile kooyakwawo konima yoku ka talaleka, mbaka oya tameke okumupula kombinga yohema ye yi na oombandi dha patuluka, oshowo evi lili momafufu ge nokombunda ye.

“Opo ihe mpoka okwe ya hokololele shoka a ningilwa komufekelwa ngoka a li natango inaa kwatwa kopolisi pethimbo ehokololo ndika lya nyolwa.

 

LEAVE A REPLY

Please enter your comment!
Please enter your name here