Osipana Epale FC ya sindana uudhano wetanga mOniipa

0
194

KuPinehas Nakaziko

WINDHOEK-Osipana yEpale FC oya li ya sindana uudhano wetanga lyokoompadhi mboka wa li moshitopolwa Oniipa okuza momasiku 26-27 Deseemba 2014.

Uudhano mbuka owali wa enda nawa nowa longekidhwa noonkondo, ishewe, owa li wa hili engathithi lyaaholi yokatanga kokoompadhi mboka yali ya holoka  pehala opo tuu mpoka.

Epale FC  olya sindana po uudhano mbuka sho lya dhenge mo Oniipa Legend kolweetho lwahugunina nookola 5-4, koopenati sho yali ya ithigi othika 0-0 mokapale.

Epale FC olya sindana ekopi noshimaliwa shithike poN$1 700.00 nOniipa Legend oye ya pehala etiyali noya sindanaN$1 100.00. Okalunga FC okeya pehala etitatu nokasindana N$800.00 omanga Cindy United FC ya toola iitsa noya yi noshimaliwa sho N$1 000.00.

Uudhano mbuka owali wa yambidhidhwa koFire House Bar, Benzo Bar , Its Not Easy (kashipu) noLetu Clothing line. Omuunganeki guudhano mbuka Meduletu Mulokoshi ota ti nuumvo otapu katya pwaka oshoka otaaka hiya oosipana odhindji.

LEAVE A REPLY

Please enter your comment!
Please enter your name here