Uudhano wopOkau Kamasheshe wa ende nawa

0
292

KuShipi Elago

OKAU KAMASHESHE-Okamwandi United oko omusindani guudhano woKau Kamasheshe wokomumvo mboka wali wa kalako pethimbo lyomatango omanene.

Okamwandi United hoka ka zile komukunda Okamwandi moshitunda Uukwambi, oka li keshi pondola okusindanapo edhingoloko lyahugunina, nokusindanapo uudhano woKau Kamasheshe.

Okamwandi oka yambulapo oshipandi shoo N$ 4 250, nekopi.

Osipana yo Choice ndjoka ya yambukile kEmbandu moshikandjohogololo Okatana oye ya pehala etiyali moka yali ya pandulwa no shipandi shoo N$ 2125, United FC yokoMpumbu oya li yeshipondola okuya pehala etitatu sho yali ya pewa ooN$ 1275.

Osipana yomegumbo Okau Kamasheshe oye ya pehala etine moka yali ya hekelekwa nooN$ 850.

Erastus ‘Itshiposha ‘ Petrus oye omudhani dhingi omanga Ilonga Kamara Paulus oye omudhani a tulamo ookoola odhindji muudhano auhe, konima sho ali a tulamo oshipandi shookoola ne.

Osipana yoNew Start ndjoka ya kala noku tyakaleka oosipana muudhano mbuka omimvo ndatu dhapiti, oshikando shika inayi shi endela we nawa oshoka oya li ya dhengwamo petameko lela lyUudhano kOsipana yOkamwandi.

Indileni Set Sam Iipinge, omukwateli komeho guudhano mbuka okwati ethigathano ndika otali ende nokukokelela omumvo kehe, ta ti shika osha ulikwa komwaalu gwoosipana ngoka tagu londo omumvo kehe.

Okwati omwaalu gwaatali naayambidhidhi yomaudhano ogwa yi pombanda, ta ti shika otashi ulike kutya ependulepo lyomaudhano miitopolwa yokolundume olili momake omawaanawa.

Indileni okwati uudhano mbuka owali wa kwashilipalekwa kOongeshefa ngaashi,Kambwa Trading CC, Natu Pharmacy, Oshimana Enterprises,Frans Mbidi, na Kafo Kape Trading Enterprises.

LEAVE A REPLY

Please enter your comment!
Please enter your name here