Aadhani aakulu mOluteyi ya sindana po uudhano wokomumvo mo2014

0
198

KuShipi Elago

OLUTEYI-Osipana yOluteyi Legends  oyo enyakwa lyo2014, konima sho yali ya sindana po uudhano  wOluteyi Annual Sport Day mboka wa li wa dhanwa mesiku lyaKrismesa pOluteyi Sports Ground.

Osipana ndjika oya thikama po maadhani aakulu mboka ya li haya dhana etanga lyokoompadhi omavi sho gali omayamba poshitopolwa Oluteyi, naambaka  oyo ha ya longekidha uudhano wa tya ngeyi, opo ya kune ombepo yuupenda maagundjuka mboka yeli mepipi lyokudhana omaudhano.

Oluteyi Legends oyali ya dhana omaudhano gatatu moka yeshipondola okusindanapo omaudhano geli gaali nokudhana shithike pamwe lumwe konima sho yali yadhana noosipana dhaagundjuka  dha za momudhingoloko gwaLuteyi nomomikunda dho puushiinda.

“Uudhano mbuka owa ende nokukoka uule womimvo dha piti konima sho wa totelwe nongashingeyi ohawu hili aantu okuza koombinga noombinga opo yeye ya tyapule esiku lya Krismesa pamwe yo ya tseyathane”Toivo Kamati a hokolola.

Kamati ngoka eli gumwe gwomaadhani aakulu mOluteyi  noshowo gumwe gwomaatotipo yuudhano mbuka okwa ti okangundulongekidhi otaka longo uusiku nomutenya no ne itulem enene opo ya ete uudhano mbuka pomuthika omwaanawa .

Tati esiku lyomaudhano miitopolwa uunene yomomikunda olili lya simana na otali pendula ombepo yuukumwe nelongelo kumwe mokati kaantu.

Okwati wo esiku lyatya ngeyi otali kelele elongitho na yi lyiikolitha unene tuu pethimbo lyokafudhepo ka Krismesa, tat i aantu oyendji ohaya longitha iikolitha molwaashoka ohaya sile mo  ezaza momagumbo.

Okwa pandula aagundjuka yomoshitopolwa shaLuteyi nomikunda dhopuushiinda sho taya ulike eitulomo mesiku ndika ta ti onakuyiwa yoshilongo oyili momake gawo.

Okwati nuumvo esiku ndika ota li ka kwatelamo Okrisimesa yaakokole mboka yeli pomimvo 60 nuunona mboka wuli kohi yomimvo omulongo.

Ongesefa yo Bentonstein Construction,Zone One Investment no SEK Comprehensive Academy odhali dha kwashilipaleke uudhano mbuka wali wadhanwa mesiku lya Krismesa pOluteyi.

LEAVE A REPLY

Please enter your comment!
Please enter your name here