A gandja ombili kOmukwaniilwa gwaNgandjera montaneho

0
308

KuNuusita Ashipala

ONGWEDIVA-Ngoka a li iipyakidhila nokutotapo ehangano, lyedhina Ongandjera People United Party okwa gandja ombili kwaayehe mboka a li a longitha omadhina gawo melongekidho lyehangano ndjoka ta ti haayehe a li a pula epitikilo nezimino okulongitha omadhina gawo.

Andreas Kapuku okwa gandja ombili montaneho molwashoka oshinima shoka osha li sha geyeke mboka omadhina gawo ga li ga nyolwa kutya oya li taya ka kutha ombinga medhikopo lyehangano nenge lyongundu ndjoka. Ongeyo oya li ya holoka unene molwashoka yamwe oyali ya tala ko ongundu ndjika oya li ya talikako ongo ongundu yuukwamuhoko.

Momushangwa gwoku gandja ombili Kapuku okwa fatulula kutya Ongandjera People United Party ka yi shi ongundu yopapolitika, ngaashi sha ulikwa kedhina lyayo, ndele ndjika oyo ashike olutu nenge egongalo lyopankalathano.

“Onda li inaandi tala nawa omwiitjo gwopapolitika nenge euveko lyopapolitika ndyoka lya li medhina Ongandjera People United Party noshilanduli shoka sha ka za mulyo konima sho ehangano ndika lyopankalathano lya li lya tseyithwa,’ Kapuku a fatulula.

Edhikopo lyolutu nduka nenge ongundu ndjika  olya tseyikwa noku holoka puuyelele pethimbo ongundu yoSwapo ya li tayi dhimbulukwa evalo lyongundu ndjoka momasiku 19 gaApilili omumvo gwayi. Edhimbuluko lyevalo lyoSwapo ndika olya li lya longekidhwa tali ningilwa mOkahao. Pethimbo kwa tseyithwa kutya otapa ka dhikwa olutu nduka, elandulathano lyiinyangadhalwa yongundu ndjoka olya li lya shangwa lina omadhina gaawiliki aanene mwakwatelwa wo nOmukwaniilwa gwaNgandjera , Omusamane, Johannes Mupiya.Aatotipo yongundu ndjika oya li ya tegelelwa oku ka gongala momilongo20 Apilili omvogu .

Ihe omalongekidho ngaka oga ka hulila ondjilakati konima sho Sofia Shaningwa ngoka oye eli ngoloneya gwOmusati  a li a tseyitha etotopo lyongundu ndjika montaneho yoshigwana ashihe.       Oshinima shika osha manithamo omeho gAangandjera noshowo osha  haluthile oshigwana sha Namibia muukololo auhe washo.

Yamwe yaamboka omadhina gawo gali momusholondondo gwaalongekidhi anuwa oya li yi ikala kutya oya kundathanwa na yo moshinima shoka. Yamwe nokuli oya tile yo inaya kundathanwa  nayo kombinga yaashika.

Megandjo lyombili lye Kapuku  okwa ti mokati kaanamadhina mboka a li a tula momusholondondo ndele mbaka ka li a popya nayo omwa kwatelwa Omukwaniilwa gwaNgandjera, Johannes Mupiya. Na Kapuku okwa gandja ombili sho a luudhike edhina lye.

“ Otandi longitha ompito ndjika okugandja ombili yaana iihelele tandi yi pe Omukwaniilwa Omusimanekwa Johannes Mupiya, gwEIelo lyOpamuthigululwakalo lyaNgandjera, shono nda luudhike noku yona edhina lye nondhilo ye moku tula edhina lye momusholondondo nomelandulathano lyongundu yOngandjera United People Party, nonande kandali nde mu pula epitilikilo nenge ezimino lye. Otandi uvaneke wo kutya otandi ka ethapo okulongitha edhina ndika Ongandjera People United Party,” osho Kapuku a ti.

 

LEAVE A REPLY

Please enter your comment!
Please enter your name here