Khuse FC na Vietnam Rangers medhingoloko lyahugunina  mekopi lyoBidvest

0
285

KuShipi Elago

OSHAKATI-Edhingoloko lyahugunina lyuudhano okukondjela ekopi lyo woBidvest mOshana otali ka dhanwa kuKhuse FC na Vietnam Rangers mOlyomakya ndjika pokapale koIndependence Stadium mOshakati.

Vietnam Rangers okwa li a pitile meyulu lyonane konima sho yali ya kwatwa mokambindja ku Africa Motor, muudhano mboka wa li wa thigi Oshakati sha topolwa miitopolwa iyali naayambidhidhi  taya ikokota komayego.

Vietnam Rangers okwa li eli komeho nookola ndatu monola pethimbo lyokafudhepo.

Ashike Africa Motor okwa li azi konima medhingoloko etiyali lyuudhano mbuka noku tulamo ookola mbali , nongeyi okwa tula elimbililo miipala yaayambidhidhi yoVietnam oshoka okoola ontitatu okwali tayi vulu oku tuma uudhano mbuka koopelenti.

Omukwati gwo Vietnam okwali a thiminikwa okukwatamo omatanga ga nika oshiponga nokukaleka eyalulo lyuudhano mbuka pookoola 3-2 pethimbo sho ohiya yahugunina ya hikwa, naashika osha pe ospana yoVietnam Rangers ompito yokukadhana medhingoloko lyahugunina ndyoka tali ka utha kutya olye ta ka kalelapo oshitopolwa shaShana.

Khuse FC okwali adhenge Osipana yOnelago FC 2-1  noku ikwashilipalekela ehala lyoku dhana medhingoloko lyahugunina moka taya ka tsakanena noVietnam Rangers.

Kaptein gwo Khuse FC  Frans Shivute okwa ti itaya ka thiga emanya lya londa ke kwawo oshoka oya tokola oku kakalelapo oshitopolwa shaShana medhingoloko lyOosipana 32.

Uudhano mbuka itawu ka thiga omwali ta tumbu mukwawo oshoka oosipana ndhika mbali otadhi dhana shili uudhano wetanga lyokoompadhi tawu hokitha onkene kehe gumwe okwa tegelelwa aka ninge ombangi pokapale kEmanguluko mOshakati ongula.

Edhingoloko lyahugunina otali ka dhanwa Olyomakaya ngaka pokapale ko Independence Stadium potundi 16:00 yokomatango.

LEAVE A REPLY

Please enter your comment!
Please enter your name here