Meriam ta ka ulika iilonga ye pondje yoshilongo

0
335

Ku Pinehas Nakaziko

WINDHOEK-Ontana yanelende lyuugwanga, Meriama Kaxuxwena, gwoomvula 22, ota ka ulika shoka ha vulu okuninga pondje yoshilongo, sho a hogololwa opo a ka kalele po Namibia methigathano lyuukadhona dhingi woMiss Districts International, omwedhi tu uka.

Ehogololo ndika olya holoka sho Meriam a kala no ku sindanapo omakopi ogendji pondje yiilongo ya yoolokathana omvula dhapiti. Ngashingeyi Meriam okwataalela ethigathano ndyoka lyakwata miiti nolya dhenga mbanda, tali ka ningwa mu Febuluali 07,  nuumvo, moAbidjan sha Côte d’Ivoire.

Meriam okakadhona hoka ha ka ende nawa nonuufuuli kaakunawe , no ka kala mehangano ndika lyokweenda konyala oomvula dhaa dha po10.  Ethigathano lye lyotango okwali sho ali asindanapo oshikoloni shoMiss Valentine posekondele yaAugustinuem momvula 2006.

Okuza mpoka okwa kala ihe ena ohokwe yokuulika uunongo we, kombinga noombinga, pondje nomeni lyoshilongo.

Omvula yaziko Meriam okwali ishewe a kalelepo Namibia koWorld Bikini Model International moChina moka, iilongo yaadha ko48 yali ya kutha ombinga nokwazileko niikoloni iyali.  Meriam okwa ti nuumvo okwa tokola opo ishewe a zeko nando onoshikoloni shimwe, ye a uvithe nawa aaNamibia ooyakwawo.

LEAVE A REPLY

Please enter your comment!
Please enter your name here