Omanyakwa muudhano womokambamba otaga hogololwa mOmusati

0
181

KuShipi Elago

OUTAPI-Oshitopolwa shaMusati oshili metifa okulongekidha osipana yaakadhona mboka taya  ka kutha ombinga momathigathano getanga lyomokambamba ndyoka tali ka kala ko koRundu momasiku 31 Febuluali 2015.

Shipena Nakalondo omunambelewa gomaudhano mOutapi okwa ti oyeli taya ningi iikonga yomalolelo okutunga po osipana ndjoka tayi ka kalela po oshitopolwa shaMusati komathigathano guudhano wokatanga komokambamba koRundu.

Okwa ti Netball Namibia okuli atotapo ethigathano lyaadhani yokatanga komokambamba ndyoka tali kala noku dhanwa omumvo kehe moshilongo opo ku kongwe aadhani mboka yena iitalenti ya ye mOsipana yopashigwana.

Shipena okwa ti oyi ilongekidha oku ka kalelapo oshitopolwa shaMusati na itaya ka thiga endangalati mondjila.

“Ethigathano ndika olya egulukila aadhani yokatanga komokambamba ayehe na kapuna engambeko lyoomvula” Shipena ta ti.

Oshitopolwa shaMusati otashi ka etapo osipana yaakadhona yeli 16 ndjoka ya tegelelwa yikale ya kutha ombinga momathigathano okuza mo 1 Febuluali nuumvo.

LEAVE A REPLY

Please enter your comment!
Please enter your name here