Opolisi otayi ka pulapula Nghimtina kombinga yompunda yiimaliwa ya adhika poshiponga

0
290

Komutoolinkundana

WINDHOEK-Opolisi yomoshitopolwa Otjozondjupa oya hala okukundathana na Minista yIilonga nIiyenditho kombinga yompunda yiimaliwa mboka a li anuwa a humbata pethimbo osheenditho she sha li sha yi moshiponga.

Minista Erkki Nghimtina ngoka a li a taambelwa moshipangelo sh Katoolika moVenduka okuza koshipangelo shopaumwene sha MediClinic mOtjiwarongo okwa li a ehamekelwa moshiponga shiiyenditho shoka sha ningilwa popepi nosasiona yokunwetha omahooli yEtunda. Osasiona ndjika oyili konyala oshinano shookilometa omilongo ndatu kuumbugantu wOtavi mondjila onene yoB1 pokati kOtavi nOtjiwarongo.

Oombangi ndhoka dha li poshiponga odha hokolola kutya Nghimtina anuwa okwa li ena ompunda yina iimaliwa oyindji. Kommisina gwopevi gwopolisi  mOtjozondjupa, Gerhard Uataurua Mavenjono okwa tindi okutya sha kombinga yiimaliwa. Kakele okwa koleke kutya iimaliwa mbyoka oyi li miikaha yopolisi opo yi gamenwe omanga minista ta tipo hwepo.

“Onda li nda hala okupopya naminista kombinga yiimaliwa mbyoka omanga ye a li moshipangelo mOtjiwarongo, ndele ye kali ena ehalo okutya sha kombinga yaambyoka. Oku li manga iilula meyakulo lyuunamiti ndyoka ta pewa opo a tyepo hwepo.” Mavenjono okwa ti iimaliwa mbyoka oyili momake gopolisi .

Opolisi oya hokolola kutya  Nghimtina ngoka ali oye awike mosheenditho she okwa li a anuwa  ta kambadhala okupitilila ololi yoondongelwa nani komeho okwa li taku zi ohauto. Okwa shunitha ondapo pevi nosheenditho she osha pumu ololi ndjoka yuuministeli gwe, ya li ya humbata ooshako dhuusila woshikukuta oku wu fala koTsumkwe.

Iiyenditho ayihe iyali oya guko kopate konima sho oonaku yi hinga ya kanitha okondolola.Omuhingi gwololi opamwe nomunambelewa ngoka ya li mondjila na ye oya li ya taambelwa moshipangelo shepangelo sha Tjiwarongo.

LEAVE A REPLY

Please enter your comment!
Please enter your name here