Pombili otati oulema ita u muimbi oku ya kofikola

0
319

KuTuulikki Abraham

Luderitz – Pombili Panduleni Toivo omunafikola pofikola poDiaz Primary School mo Luderitz moshitopolwa sha //Karas, okuna oulema, iha ende ohelikoko ashike no ku longifa okatemba meumbo omafimbo amwe po, no ngee nge eli kofikola. Ndele nande ongaho ye okwa ti oulema ou ita u mu imbi okuya kofikola efiku keshe.

Pombili omunamido 15, okwa tumbula kutya no nande ena oulema, ou itau mu imbi aye kofikola noku li honga, ashike okwa pumbwa eyambidido, opo adule oku mana ofikola yoo, ondjodi yaye ininge yoshili, yo ku ka ninga omupangi ngee amane ofikola.

Omunafikola ou o hai kofikola efiku keshe no taxi, hai mu ile peumbo ongula noku ke mutala kofikola. Okuna outemba veli vavali kamwe okeli keumbo, omanga kamwe keli kofikola. Pombili ota hokolola kutya okatemba kamwe okwe ka palwe omaano a Krismesa modula 2012 kuMeya wodoolopa ya Liindili, Suzan Ndjaleka, nokatemba kakwao okweka pewa omaano kova talelipo vali veuya pofikola yavo po Diaz.

Pombili ota hokolola kutya ekwafelo loutemba aveshe ava veli vavali ola ninga onghalamwenyo yaye ixwepo, opo adule okulinyenga unene tuu kofikola oko ha uhala eli mokatemba te li nyenge a manguluka. Ashike ota tumbula kutya ou temba aveshe vavali ohava longo sha faafana ohava pumbwa oku undulwa, osho Pombili a tumbula kutya okuna oupyakadi wo ku undula nonyala yaye yo kolulyo shaashi kai na naana eenghono dawana, ashike pa yambidido lo va nafikola vakwao oha ve mukwafele lela oku mu undula oku mu twala kokandjuwo nosho tuu.

Pombili ina holeka nande ehafo laye ta tumbula kutya okwa pita, na okwa hafa eshi ta ka hovela ondodo onhiheyali neudo. Ta tumbula kutya odula yo neudo okwa hala okulihonga noudiinini opo apite aye ko ndondo onhihetatu modula tai uya.

Kombinga yokuya keumbo, Pombili okwa tumbula kutya onhele yo ku undula okatemba inai wana, onghene oha ende ashike teli koko, no pondje opena efululu, o he likoko ashike okuya kokandjuwo oko ha ka longifwa pomudingonoko.

Ina  Albertian okwa tumbula kutya odula ya ya Kansela woshikandjo hoololo sha !Nami#nus, Jan Scholtz okwa udaneka kutya ombelewa yaye otai fi oshisho oku kongela Pombili omakwafo. Kansela Scholtz  okwa koleka kutya ombelewa yaye oye lipyakidila nokukonga omavatelo, opo va dule okutunga olupanda peumbo opo hapadi Pombili no ku tunga yoo okandjuwo ko paumwene, opo Pombili akale ta undula okatemba kaye kolukolongo nokuya ko kandjuwo ko paumwene, shi dule okulikoka okuya ko kandjuwo kaaveshe osho shi hena nande oundjolowele.

LEAVE A REPLY

Please enter your comment!
Please enter your name here