Puppie ya Penda, ati nuumvo kemanya okuna okuza ontsi

0
215

KuPinehas Nakaziko

ONDANGWA-Omwiimbi omugundjuka, gwoomvula 21,  Pendapala Paulus, atseyika nawa nedhina lye moongalo Puppie ya Penda okwati nuumvo kemanya okuna okuza ontsi, ngele tashiya moongalo kuye.

Omvalele yomOndangwa, nomweetipo namwene gwehangano lyoCool Family Production ngaashingeyi okwa tokola amanamo opo aninge elunduluko ngele tashiya moongalo dho shiNamibia. Puppie ya Penda okwatamekele okwiimba manga ali omushona lela, momumvo 2011, moka ali a mono omagano gwoshipewa shokwiimba. Otati ye okwiimba okwali eku hokithwa kuThe Dogg, ngoka ali emupe omukumo okwiimba oongalo dhili pomuthika gwopombanda.

Puppie ya Penda okwati omvula ndjika okuli momalongekidho omanene no ga kwata miiti moka a hala oku ka pititha nokutseyitha  oalubuma ye yotango mesiku lyevalo lye muMei 1.

Omwiimbi gwoongalo dhoAfro Pop noKwaito okwagwedha po ishewe tati oalubuma ye ndjika tayikalukwa Twakalako otayi ka kwatelamo uungalo uhamano no taka kwathelwa kaahikingalo ngaashi Komesho, Crispa naExit Rockaz. Ota longo ishewe nuudhiginini opo aka pitithe uumbilya we uupe wehangano lyoCool Family. “I tandi shuna nade monima manga inaandi thika ponkatu mpoka puna aahikingalo ooyakwetu.  Kalunga okwetupe iipewa opo tuyilongithe, na ishewe inatupumbwa okuyihepeka,” Puppie yaPenda tahulitha ngaaka.

LEAVE A REPLY

Please enter your comment!
Please enter your name here