‘Sioka okuna mo olunyala momaipumomumwe gaanilonga naahona yaaChina’ NABWU

0
260

KuHelvy Shaanika

ONGWEDIVA – Amushanga-Ndjayi gwehangano lyaaniilonga momatungo nenge Namibia Building Workers, okwa ti Ominista yaaNiilonga otayi pitike opo aaChiina ya tsikile nokuhepeka aaniilonga yawo.

Ndele omapopyo ngaka, Victor Hamunyela a ningile Doreen Sioka inaga  taambiwako nawa kuMinista ngoka a pula ngele oye ena oshinakugwanithwa shokukatala ko aaChina koshilongo shawo nenge oye ha ethele mo moNamibia.

“Kandina esiku nda etelemo omuntu gwontumba  moshilongo muka, nenge ngashingeyi ohandi longele Oshikondo shIikwagumbo? Okwa tseya ngaaka oonkatu ndhoka handi katuka mombelewa yamdje. Okuna tuu ontseyo yaashoka hashi ningwa po kombelewa yandje? Nenge okwa hala ndi dhipage omuntu gwontumba. Okwa hala opo andola di alele omuntu gwontumba komushigakano molwa oshinima shika? Omalundilo ngaka ka ge shi omawanawa nando,” osho Sioka a popi nongeyo.

Hamunyela ndhika okwe dhi popi mekwatathano noshiningwanima shoka sha ningwa omasiku gaziko moka omutungi  anuwa a li a dhengwa kaahona nokaaniilonga ooyakwawo mboka yeli aakwashigwana yaChina. Omulowa oshiningwanima shika, nayikwawo oyindji, Hamunyela okwa ti minista gwaaNiilonga [Doreen Sioka] okwa etha aaNamibia ya kale taya monithwa iihuna kaahona yawo yaaChiina. Aaniilonga mboka haya monithwa iihuna ngaaka ka ye shi ashike mboka yomatungo ayeke ihe naamboka wo haya longele aaChiina momahala galwe.” Hamunyela okwa ti sigo oompaka onkatu ndjoka eshi ya li ya katukilwa omuChina omolwa omahepeko gaaniilonga, oondjoka ashike yomunangeshefa gwomOtjiwarongo, a tidhilwe mo moNamibia sho a humbatitha aaniilonga ye oonyata dhe ndhoka ye a li ikwathelele [a nine mokampunda koplastika]. “Oku tala konyala opendji aantu yetu otaya hepekwa onkene epangelo olya pumbwa okuningap sha miiningwanima ngaashi mbika noku pula aaChiina ya lundulule omikalo dhawo manga ombinzi inaayi tameka okutika,” osho Hamunyela a galikana.

Pahapu dhaHamunyela, oshiningwanima shomOshakati osha holoka molwashoka aanambelewa yiilonga  muuministeli waNiilonga ya gandja omayele kehangano lyomatungo lyedhina Namibia Cleaning Chemical Solutions (NCCS), opo li shainithe aaniilonga yalyo okondalaka yiilonga yuule womasiku gaheyali omanga mbaka ye shishi kutya shoka kashili paveta.

“Shono nda talele po Uuministeli waaNiilonga okupula kombinga yoshinima shika, kapwa li nando  omutaleli gwaaniilonga a zimine kutya oyo nenge oye gwaamboka ya gandja omayele gatya ngaaka kaaChiina,” Hamunyela a ti.

Hamunyela okwa ti aanambelewa moshikondo shoka inaya hala okulongela kumwe naanambelewa mboka ya kalela po aaniilonga momahangano gaaniilonga.

Okwa ngele andola opwa li ekwatathano ewanawa pokati komhangano gaaniilonga nUuministeli mbuka nena ando aanambelewa mbaka okwa li taya vulu oku enda pamwe oku ka tsakaneka kaagandji yiilonga mboka taya hepeke aaniilonga anuwa. Ndele shika osha nyengana okuninga molwaashoka aataleli yiilonga nonkalo yaaniilonga ina ya hala okulonga pamukalo nguka.

Sioka kombinga ye okwa ekelehi omapopyo ga Hamunyela, a ti ngele nguka okwa li ena omaipulo taga zi komutima moshinima shika ando okwa lopota oshiningwanima shoka kuMinista polwe mwene. “Ngele andola okwa li ena oondunge okwa lit a vulu oku kutha ongodhi eta dhenge le ndje . Onkene okuninga oshiningwanima shika shopaumwene kashishi oshinima oshiwanawa nando na ishewe kasha li mondjila.

“Pethimbo ndika kandina uuyelele nando owa sha  moshiningwanima shoka tashi popiwa, oshoka aanambelewa yopevi ohaya  lopota iinima mbika kungame. Nangame hangame ndina okulopota kuyo.Ishewe ye mwene[Hamunyela] okwa li ena okulopota oshiningwanima shoka kungame nenge kombelewa yUuministeli Wandje yopopepi naye,’ Sioka a ti.

 

LEAVE A REPLY

Please enter your comment!
Please enter your name here