Oalubuma yOmfally oyili pokupwa

0
221

KuPinehas Nakaziko

WINDHOEK-Simeon Fillemon a tseyika nawa Omfally, omuhikingalo ha imbi oongalo dhoKwaito noAfro-pop okwa ti oalubuma ye ndjoka ya li ya tegelelwa koyendji ngashingeyi oyili po ku pwa.

Omfally ngoka eli omvalele yomOndangwa moshitopolwa Oshikoto okuna ehangano lyemwene lyoongalo lyedhina Efundja Entertainment. Omfally, gumwe po gwomaahikingalo dhingi  mboka yeshigamena monooli okwa gwedha po ishewe ta ti oyendji oya kala noku pula kutya oalubuma ye otayi piti mo uunake.

“Oalubuma yandje ndjoka yedhina I am the Future, tayi ka humbata uungalo 16 oya tegelelwa methimbo efupi lela. Oalubuma oya ningwa kuR.U.K  gwoInfinity Records, Marven na DJ Tocala,” Omfally ta ti.

Okwa ti omadhiladhilo ge gomonkalamwenyo oku kala omuhikingalo dhingi, ngoka wo esiku limwe naka kalelepo oshilongo. “Otandi indile ashike aakwashigwana yakale taya yambidhidha aahikingalo aashona oshoka kashipu okukala omuhikingalo. Otandi longo nuudhiginini opo ndiya nyanyudhe ayehe,” Omfally ta ti.

Uungalo we ngaashi Natuthikameni naIam back to Kwaito onkene tawu tsikile oku inyenga nawa mooradio yo Energy 100FM.

LEAVE A REPLY

Please enter your comment!
Please enter your name here