Omukulupe a fya omeva mEtaka

1
242

KuHelvy Shaanika

ONGWEDIVA – Opolifi mOshitukulwa shaMusati ota i konaakona oshiningwanima omo omusamane womukulupe a wila momeva nokufya.

Kouyelele oo wa yandjwa kOmupopiliko wOpolifi mOmusati Lineekela Shikongo , omukulupe wedina Agustinu Gabriel a shivika nedina Koliindili weedula 60, Osoondaxa ya djako lwopotundi 16:00 okwa dja meumbo oye aeka aka yule eeshi mEtaka.

Manga nee ta kwata eeshi, okawato kaye vati oka tenguka, ndee ta wile momeva.

Lwopo 17:30 ovakwati veeshi vakwao ovo navo kwali ngeno tave uya okukwata eeshi vati ova mona eshi okawato taka tenguka. Nonande ova li kokule, ovanamukunda  ava vati ova lotoka ngeno va kendabale okuxupifa omukulupe ou, ashike ina va dula oku ninga po sha.

Opolifi oya shivifilwa, ashike olutu laye kala li la monika fiyo omOmaandaxa lwopo 10:00.

Shikongo ta ti Gabriel Omunamibia ashike okwa kala omukalimo momukunda Ohipu moAngola.

“Eembapila doufemba waye otadi ulike kutya omukwashiwana waNamibia, nokwa hangwa ha kwata openzela yovakulupe,” Shikongo ta fatulula.

1 COMMENT

LEAVE A REPLY

Please enter your comment!
Please enter your name here