Ounona va dipaa kakwao

0
287

Komutoolinghunana

ONGWEDIVA – Opolifi mOshitukulwa shaShikoto otai konaakona oshiningwanima omo ounona veli vane, veli pokati keedula nhano fiyo heyali va denga nokudipaa kakwao keedula nhee.

Omupopiliko wopolifi mOshikoto Stephan Nuuyi okwa hokola kutya  petameko laJanuali, okaana kedina Tresia Ndakondjelapo Gabriel keedula 4 oka dengwa noimwati kuvakwa fiyo omefyo.

Nonande kape na naana ouyelele wa yela moshinima eshi, Nuuyi okwa yelifa kutya ounona ava ovali va fiwa ovo aveke meumbo kovakulunhu eshi oshiningwanima sha ningwa.

Ta yelifa kutya oshibofa shedipao osha patululwa nomakonaakono opolifi otaa twikile moshiningwanima eshi.

Kakele kedipao lokaana aka, olutu lokanona kakwao kokakadona keedula 13 ole li tuwa mefiku lomudo mupe moTsumeb. Otaku fekelwa kutya okaana kedina Elizabeth Claudia Guim kadile molukanda laNomtsoub moTsumeb oka kwatwa onghongha nokudipawa. Oshiningwanima eshi osha ningwa potundi onhatu yokeengula.

Edipao nekwatonghonga la Guim, olimwe lomakwatonghonga a lopotelwa opolifi mOshikoto pokati ka Januali na Desemba. Oikoya ei yomakwatonghonga ili 12  oya kwatela mo ekwatonghonga la ningilwa ounona voukadona veedula 13 fiyo 14.

Omupopiliko wopolifi ta kumaida ovatekuli novadali va  pashukile ounona momaumbo vaha efiwe tava endaenda omaufiku.

 

LEAVE A REPLY

Please enter your comment!
Please enter your name here