Square Rocks Gang otaka thaaneka okavidio kOmulumenhu

0
224

KuPinehas Nakaziko

WINDHOEK-Ongundu yaahikingalo yaali Namundjebo David a tseyika nawa nedhina DSquare osho woo Etheke Leonard ngoka ishewe a tseyika nawa nedhina SMACX69, oya tokola opo ya ka thaaneke okavidio kawo kokangalo Omulumenhu omasiku ngaka.

Okangalo haka okaza moalubuma yawo ndjoka ya pitile omvula ya zako yedhina Second before Third.

Gumwe gwomaapopiliko yongundu Square Rocks Gang, DSquare okwa ti oya hogolola okangalo haka Omulumenhu oko kaninge okavidio oshoka oko kali ke holike koyendji, nokali kadhanwa mooradio dhomoshilongo olundji, nokali kamono ishewe ompito opo kadhane megumbo koBig Brother Africa.

“Ndjino oyo ishewe ongalo yimwe yo Afro House yotango nda li nda ningile omikwelengendjo mositudio yandje mwene,” DSquare ta ti.

Ongundu yo Square Rocks Gang oyali ya tungwapo mo 2010 kuDSquare sho a tamekele okwiimba. “Sho ndali nda tameke okwiimba, okwali ashike handi imbi ongame awike moka ndali nda pititha oalubuma yandje yotango yedhina Beginning of the Rest, yali yi na uungalo 12.

Sho aantu taya holola ohokwe yoongalo dhandje opo nda ka tsakanena na SMACX69, notweya po nedhina Square Rocks Gang,” DSquare tati ngaaka.

Okwa gwedha po ishewe tati ngashingeyi oye li oshilyo shoNascam, noongalo dhawo odha gamenwa.  Ngashingeyi nokuli otaya mono omayambidhidho gayoolokathana okuza koNaddie Printing Shop, Kuuwa Trading, Pixx no ko Asenane Inakusha . “Ngashingeyi otwa hala ashike omakwatho gopashimaliwa opo tu etepo oalubuma yadhenga mbanda nuuvidio wu na omulyo omwaanawa,” DSquare ta hulitha.

LEAVE A REPLY

Please enter your comment!
Please enter your name here